జేసి దివాకర రెడ్డి వర్సెస్ పరిటాల రవి కొడుకు

Posted: 11/07/2013 03:13 PM IST

కాంగ్రెస్ పార్టీతో కస్సు బుస్సులాడి.. సైకిల్ ఎక్కటానికి సిద్దమైన జేసి దివాకర రెడ్డికి దిమ్మతిరిగిపోయే షాక్ తగిలింది. ఇప్పటి వరకు ఎవరు ఊహించని దెబ్బ జేసి దివాకర్ రెడ్డికి తగిలింది. ఇప్పుడు అనంతపురం వర్సెస్ తాడిపత్రి రాజకీయ కక్షలతో రగిలిపోతుంది. జేసిని అడ్డుకోవటానికి .. పరిటాల రవి కుటుంబం శతవిధాల ప్రయత్నం చేస్తున్నట్లు రాజకీయ వర్గాలు అంటున్నాయి.

 

జేసి వేసిన రాజకీయ ఎత్తులు చిత్తైపోతున్నాయి. ఈసారికి జేసీ బహిరంగ రాజకీయాలకు దూరంగా ఉంటూ ఆయన కుమారుడు పవన్ కు తాడిపత్రి ఎమ్మెల్యే టికెట్ ను, జేసీ తమ్ముడు ప్రభాకర రెడ్డికి అనంతపురం ఎంపీ టికెట్ ను ఇస్తే కనుక తాను టిడిపిలో చేరిపోవాలని చర్చలు జరిపినట్లు వార్తలు వస్తున్నాయి. ఈ చర్చల ఫలితంతో జేసీలొ మౌనం దీనికి కారణం ఏంటని ఆరాతీస్తే మాజీ మంత్రి, దివంగత నేత పరిటాల రవి కుమారుడు శ్రీరాం , టిడిపిలో జేసీ చేరికను అడ్డుకోవటానికి సిద్దంగా ఉన్నట్లు సమాచారం. ఈ విషయం తెలుసుకున్న జేసి ..తన నోటికి తాళం చేసుకున్నట్లు తెలుస్తోంది. నిజానికి పరిటాల బతికి ఉన్నన్ని రోజులు కూడా జేసీ రాజకీయాలు పారేవికావు.

 

పరిటాల రవి హయంలో నోరు మెదిపెందుకు కూడా ధైర్యం చాలేది కాదు. ఇక పరిటాల హత్యలో జేసీ హస్తం కూడా ఉందని రాష్ట్ర వ్యాప్తంగా ప్రచారం కూడా జరిగింది. అయితే అందులో నిజమెంతో తెలియదు కానీ ఆ జిల్లాలోని రవి వర్గం ఇప్పటికీ కూడా అదే ఆరోపణ చేస్తుంటుంది. అయితే ఇప్పుడు జేసీ టిడిపిలోకి రావడానికి ప్రయత్నాలు జరుగుతుండగా రవి తనయుడు శ్రీరామ్ అడ్డుగా మారటంతో.. జేసికి మళ్లీ పాత తలనొప్పి మొదలైందిని జేసి అభిమానులు గుసగుసలాడుకుంటున్నారు.

 

 

జేసి విషయం పై చంద్రబాబు కూడా మౌనంగా ఉన్నట్లు తెలుస్తోంది. పరిటాల రవి భార్య సునీత కూడా జేసి టీడీపీలో చేరికను తీవ్రంగా వ్యతిరేకించినట్లు పార్టీలోని సీనియర్ నేతలు గుసగుసలాడుకుంటన్నారు. అయితే దీనిపై టిడిపి అధినేత చంద్రబాబు త్వరలోనే పరిటాల వర్గంతో మాట్లాడి జేసీ విషయాన్ని కన్ఫర్మ్ చేస్తానని జేసీ వర్గానికి చంద్రబాబు హమీ ఇవ్వటం జరిగిందని టిడిపి వర్గాలు అంటున్నాయి. అయితే పరిటాల రవి కొడుకు శ్రీరాం మాత్రం.. జేసి టిడిపిలో చేరితో మాత్రం.. మేము రాజకీయాలకు దూరంగా ఉంటామనే విషయాన్ని పార్టీ పెద్దలతో చెప్పినట్లుగా పార్టీలోని కార్యకర్తలు గుసగుసలాడుకుంటున్నారు. చంద్రబాబు జేసి విషయాన్ని ఎలా ముగిస్తారో చూడాలి.