మహేష్ సినిమా దానికి కాపీనా ?

Posted: 08/13/2013 09:42 PM IST

ఈ మధ్య కాలంలో మన టాలీవుడ్ సినిమా దర్శకులు భారీ బడ్జెట్ తో తెరకెక్కిస్తున్న సినిమాలు అన్నీ ఏదో ఒక సినిమాకు కాఫీనే అనే టాక్ వినిపిస్తుంది. ఇప్పటికే బాలీవుడ్, హాలీవుడ్ కథలను తీసుకొని కొన్ని సినిమాలు తీశారు. ఆ సినిమాలు హిట్టా , ప్లాపా అనే విషయాలు ప్రక్కన పెడదాం. ప్రస్తుతం టాలీవుడ్ ప్రిన్స్ మహేష్ బాబు హీరోగా క్రేజీ దర్శకుడు సుకుమార్ దర్శకత్వంలో రూపొందుతున్న భారీ బడ్జెట్ చిత్రం కూడా ఓ హాలీవుడ్ సినిమాకు కాపీ అనే ప్రచారం సినీ వర్గాల్లో వినిపిస్తుంది. ఆ సమాచారం ప్రకారం.... హాలీవుడ్‌లో వచ్చిన ‘బోర్న్‌’ సిరీస్‌ ఆధారంగా తెరకెక్కుతోందని , బోర్న్‌ తన పాత్రలో  తన గురించి తాను మర్చిపోయిన ఓ పోలీస్‌ ఏజెంట్‌ తనని తాను శోధించుకుంటూ జరిపే అన్వేషణ ఇతివృత్తంగా బోర్న్‌ సిరీస్‌ తెరకెక్కింది. మహేష్‌ ‘1’ అచ్చంగా దానికి కాపీ కాకపోయినా, దానిని ఇన్‌స్పిరేషన్‌గా తీసుకుని సుకుమార్‌ ఈ కథ రాశాడని వింటున్నారు. ఇక ఈ చిత్రం షూటింగు ఎప్పుడో ప్రారంభం అయినా ఇంత వరకు సగానికి పైగా మాత్రమే షూటింగ్ పూర్తి చేసుకుంది. ఇంకా చాలా మిగిలి ఉంది. ఇక ఈ సినిమాను మహేష్ సెంటిమెంటుగా సంక్రాంతికి విడుదల చేయాలని ప్లాన్ చేస్తున్నారు.  తెలుగు తెరపై ఇంతవరకు రాని యాక్షన్‌ సీన్స్‌తో ఇంటర్నేషనల్‌ స్టాండర్డ్స్‌తో ఈ సినిమాను తెరకెక్కిస్తున్నారని  అంటున్నారు. ఇక మహేష్ కూడా ఈ చిత్రం పై భారీ ఆశలే పెట్టుకున్నాడు.