కాంగ్రెస్ నిర్ణయం వెనక ప్లాన్ ఇదా ?

Posted: 08/13/2013 09:38 PM IST

గత కొన్ని సంవత్సరాల నుండి నలుగుతున్న తెలంగాణ అంశం పై కాంగ్రెస్ పార్టీ ఇన్ని రోజులు నాన్చి ఇప్పుడు ఆఘ మేఘాల మీద కోర్ కమిటీ, సీడబ్ల్యూసీ మీటింగులు పెట్టి నిర్ణయం తీసుకోవడం వెనక ఉన్న మర్మం ఏమిటో రాజకీయాలు తెలిసిన ప్రతి వాడికి ఇట్టే అర్దం అవుతుంది. 2014 ఎన్నికలు సమీపిస్తుండటంతో మళ్లీ కేంద్రంలో పాగా వేయడానికి, తన ప్రత్యర్ది పార్టీ అయిన బీజేపీకి తెలంగాణ ఇచ్చిన క్రికెట్ పోకుండా ఉండటానికి, అదే టైంలో తెలంగాణ లో కూడా తన ప్రత్యర్ది పార్టీ అయిన టీడీపి ఓటు బ్యాంకును కొల్లగొట్టడానికే అని స్పష్టంగా అర్ధం అవుతుంది. తెలంగాణ నిర్ణయం ప్రకటించటం ద్వారా.. భావోద్వేగ ఓటుతో తెలంగాణలో అత్యధిక సీట్లను సొంతం చేసుకోని ఇటు రాష్ట్రంలో,  అదే సమయంలో సీమాంధ్రలో టీడీపీకి ప్రతికూల పరిస్థితిని సృష్టించడమే ఈ నిర్ణయానికి అసలు కారణం అని రాజకీయ వర్గాలు అనుకుంటున్న మాట. తెలంగాణ లో టీఆర్ఎస్ పార్టీని విలీనం చేసుకొని, అటు సీమాంద్రలో ఉన్న కాంగ్రెస్ పై ఉన్న వ్యతిరేకతను పోగొట్టుగొని ఓట్లు మూటగట్టుకోవడానికి  వైఎస్సార్ కాంగ్రెస్ పార్టీని దగ్గరకు తీసుకొని టీడీపీకి చెక్ పెట్టే ప్లాన్ లోనే ఈ నిర్ణయం తీసుకుందని అంటున్నారు. ఏడాదిన్నగా జైల్లో ఉన్న వైఎస్సార్ కాంగ్రెస్ పార్టీ అధినేత జగన్ కూడా తనకు బెయిల్ ఇస్తే యూపీఏకు తన మద్దతు ఉంటుందని, దానికి సంబంధించిన అంశం పై విజయమ్మ పలువురు కాంగ్రెస్ పెద్దలతో మంతనాలు జరిపినట్లు సమాచారం. ఇటు తెలంగాణ, అటు జగన్ తో కాంగ్రెస్ లాభం పొంది టీడీపీకి చెక్ పెట్టడానికే నిర్ణయం తీసుకున్నారని అంటున్నారు. చూద్దాం కాంగ్రెస్ ప్లాన్ ఎంత వరకు వర్కవుట్ అవుతుందో ?