యువతను ఆకట్టుకోలేని మోడీ ప్రసంగం

Posted: 08/12/2013 10:33 AM IST

భారతీయ జనతా పార్టీ ఎన్నికల ప్రచార సారథి, గుజరాత్ ముఖ్యమంత్రి నరేంద్ర మోడీ భారతీయ జనతా పార్టీ హైదరాబాద్ లో తల పెట్టిన ‘నవ భారత యువ భేరి ’ కి వచ్చిన విషయం తెలిసిందే. తొలిసారిగా హైదరాబాద్ కి వచ్చిన మోడీ ఎన్నిక శంఖారావానికి ఇక్కడి నుండే శ్రీకారం చుట్టారు. ఎప్పటి నుండో మోడీ వస్తున్నాడని ప్రచారం చేసిన ఈ సభ సక్సెస్ అయిదా ? ప్రస్తుతం రాజకీయ వర్గాల్లో దీని పైనే చర్చ. యూత్ లో తెగ ఫాలోయింగ్ ఉన్న మోడీ సభకు రాష్ట్రం నుండే కాకుండా వివిధ రాష్ట్రాల నుండి కూడా యువకులు వచ్చారు. మరి మోడీ ప్రసగం యువతను ఆకట్టుకుందా అంటే కాస్తంత ముక్కే విరుస్తున్నారు. మోడీ యువతకు ఎన్నో విషయాలు చెబుతాడని, భవిష్యత్తులో ప్రధాని అయితే ఏం వరాలు కురిపిస్తాడో, దేశాన్ని ఎలా ముందుకు తీసుకెళ్లాలి, అందులో యువత పాత్ర ఏ విధంగా ఉండాలి అని దిశా నిర్ధేశం చేస్తాడని ఆశించారు. కానీ అనుకున్నంతగా ఏమీ చెప్పలేదని అంటున్నారు. రాజకీయ ప్రత్యర్ధుల పై నొప్పి తెలియకుండా పంచ్ లు విసిరే మోడీ నిన్న మాత్రం ఎన్నికలే లక్ష్యంగా, కాంగ్రెస్ పార్టీనే విమర్శిస్తూ యువత విషయాల్ని చాలా తక్కువ ప్రస్తావించారు. స్పీచ్ ఇస్తున్నంత సేపు కాంగ్రెస్, చైనా, పాకిస్దాన్ వంటి మాటలే ఎక్కువగా వినిపించాయి. మోడీ నుండి ఏదో ఆశించి, ఎక్కడి నుండో వచ్చిన యువతకు ఏమి ఒరగలేదని, స్పీచ్ లో ఫైర్ తగ్గిందని అనుకుంటున్నారు. సభకు అయితే భారీగా జనం వచ్చారు కానీ, మోడీ ఇచ్చిన స్పీచ్ లోనే పస లేదని అనుకుంటున్నారు. కమలనాధులు జనాన్ని చూసి సభ సూపర్ సక్సెస్ అని చెప్పుకుంటుంటే, యూత్ మాత్రం కాస్తం నిరాశతో ఉన్నారు.