తెలంగాణా కు రాజధాని వరంగల్- హైకమాండ్ ఆలోచన?

Posted: 08/06/2013 07:18 PM IST

కాంగ్రెస్ హైకమాండ్ సీమాంద్ర సెగ దెబ్బకు మైండ్ సెట్ మార్చుకున్నట్లు కనబడుతుంది. సీమాంద్ర నాయకులు, ఉద్యోగులు, ప్రజలు గత ఆరో రోజుల నుండి చేస్తున్న ఉద్యమం తారస్థాయికి చేరుకుంటుంది. రోజు రోజుకు ఉద్యమం తీవ్రత పెరుగుతుంది గానీ, తగ్గటంలేదు. అంతేకాకుండా లోక్ సభలో సీమాంద్ర ఎంపీలు చేసిన రచ్చ అంత ఇంత కాదు. సోనియా గాంధీ వేలు చూపించి వెనక్కి వెళ్లండిన సీమాంద్ర కాంగ్రెస్ ఎంపీలకు చూపించినప్పటికి, సీమాంద్ర ఎంపీలు వెనకడుగు వేయకుండా స్పీకర్ పోడియంను చుట్టిముట్టారు. సీమాంద్ర కాంగ్రెస్ ఎంపీలకు అండగా టిడిపి ఎంపీలు కలిసి రావడంతో పార్లమెంట్ సీమాంద్ర నాయకుల నినాదాలతో ఉడికిపోయింది. అయితే ఈ దెబ్బ కేంద్రం పునరాలోచన చేసే పనిలో బిజీగా ఉంది. ఈ సెగ గల కారణం హైదరాబాద్ అనే కాంగ్రెస్ హైకమాండ్ గుర్తించింది. అందుకు ఇప్పుడు తెలంగాణకు రాజదాని పై కాంగ్రెస్ హైకమాండ్ లో చర్చలు జరుగుతున్నాయి. హైదరాబాద్ గురించి పునరాలోచన చేసే దిశలో కేంద్రం ఆలోచిస్తున్నట్లు సమాచారం. అదే జరిగితే హైదరాబాద్ ను కేంద్ర పాలిత ప్రాంతంగా మారితే తెలంగాణా రాజధాని ఎక్కడ ఏర్పాటవుతుందని రాజకీయ వర్గాల్లో చర్చ ఊపందుకుంది. ఒకవేళ తెలంగాణా ప్రత్యేక రాజధాని ఏర్పాటు చేయాల్సి వస్తే వరంగల్ ను మొదటి ఆప్షన్ గా చూపిస్తున్నారు తెలంగాణా వాసులు. తెలంగాణాలో హైదరాబాద్ తర్వాత కొంత అభివృద్ది చెందిన ప్రాంతం అంటే వరంగలే. ఎంతో గొప్ప చారిత్రాత్మక నేపధ్యం ఉన్న ఈనగరానికి తెలంగాణాలోని అన్ని ప్రాంతాలకు భౌగోళిక అనుసంధానం ఉంది. అంతేకాకుండా వరంగల్, హన్మకొండ, ఖాజీపేట మూడు నగరాలు ఒకే దగ్గర కలిసి ఉండటం ఈనగర ప్రత్యేకత. చారిత్రక నగరం, పైగా హైదరాబాద్-సికింద్రాబాద్ వలే జంటనగరాలకంటే ఓ మెట్టు ఎక్కువ ఉన్న వరంగల్-హన్మకొండ-ఖాజీపేటలు కలిసున్న ట్రైసిటీ, అంతే కాదు తెలంగాణలోని అన్ని ప్రాంతాలకు సెంటర్ పాయింట్ . పైగా తెలంగాణ అంతర్గత అభివృద్ది కూడా జరుగుతుంది, అప్పుడు హైదరాబాద్ అటు ఇటూ కాకుండా ఇద్దరి మద్య కేంద్రపాలిత ప్రాంతంగా శాశ్వతంగా చేస్తే సీమాంధ్రవారు కూడా అభ్యంతరం చెప్పరన్నది కాంగ్రేస్ తాజా ఆలోచన, ఇది ఎలాంటి పరిణామాలకు దారితీస్తుందో చూడాల్సిందే.