ఢిల్లీలో కొండా పాట్లు - రాములమ్మ సేఫ్

Posted: 08/06/2013 02:15 PM IST

రెబల్ మహిళ నాయకురాలుగా పేరు తెచ్చుకున్న మాజీ మంత్రి కొండా సురేఖ పరిస్థితి కుడితిలో పడ్డ ఎలుక మాదిరిగా తయారైంది. దివంగత మాజీ ముఖ్యమంత్రి వైఎస్ రాజశేఖర్ రెడ్డికి చెల్లెమ్మగా నటించి, మంత్రి పదవులు తెచ్చుకున్న విషయం తెలిసిందే. అయితే ప్రక్రుతిలో జరిగిన మార్పులకు మరణించిన అన్న మీద ప్రేమతో .. ఆయన కొడుకు వైఎస్ జగన్ ను తెరపైకి తేవటానికి కొండంత ప్రయత్నం, చివరకు పదివిని సైతం త్యాగం చేసి.. జగన్ జై అంటూ.. తెలంగాణ లో గులాబీ నేతలకు నిద్రలేకుండా చేసింది. అయితే ఇప్పుడు అండగా ఉంటాడని నమ్మిన వ్యక్తి మీదేనే యుద్దం ప్రకటించే రేంజ్ కు కొండా ఎదిగిపోయింది. కానీ అంతకంటే ముందు తన రాజకీయ జీవితాన్నిఎవరి చెయ్యిలో పెట్టాలో తెలియాక కొండా దంపతులు నలిగిపోతున్నారు. అయితే కమలం పువ్వోలు .. కొండాకు మేమే దండ వేస్తాం.. అంటూ ఆమె ఇంటి తిరిగినట్లు సమాచారం. కానీ కొండా మాత్రం తన పాత గూటికి చేరితేనే .. తమ రాజకీయ కాపురం బాగుంటుందనే ఉద్దేశంలో ఉన్నట్లు సమాచారం. అందుకోసం కొండా ఢిల్లీ పెద్దలతో చర్చలు జరుపుతున్నట్లు ఆమె అభిమాన నేతలు అంటున్నారు. కొండంత ఆశతో.. కాంగ్రెస్ నాయకుల చుట్టు కాలికి బలపం కట్టుకొని కొండా సురేఖ దంపతులు తిరుగుతున్నారని కాంగ్రెస్ పార్టీ సీనియర్ నాయకులు అంటున్నారు. కొండా ఆశలు ఫలితం ఎలా ఉంటుందో తెలియాదు గానీ, తెలంగాణ రాములమ్మ మాత్రం సేప్ జోన్ లోకి ఉన్నట్లు కాంగ్రెస్ నాయకులు అంటున్నారు. కొండా సురేఖ మాత్రం తన పాత పరిచయాలతో పావులను కదుపుతున్నట్లు వినికిడి. మన రాష్ట్ర కాంగ్రెస్‌ వ్యవహారాల ఇన్‌చార్జి దిగ్విజయ్‌సింగ్‌తో సంప్రదింపులు జరిపేందుకు రంగం సిద్ధమైంది.కుత్బుల్లాపూర్‌ ఎమ్మెల్యే కూన శ్రీశైలం గౌడ్‌ మాజీమంత్రి జానారెడ్డితో మంతనాలు జరుపుతున్నట్లు విశ్వసనీయ సమాచారం. కొండా కాంగ్రెస్ లోకి వెళ్లితే.. వైఎస్ జగన్ చేసిన చిట్ట మొత్తం విప్పుతుందని కాంగ్రెస్ నాయకులు అంటున్నారు.