పవన్ కు సెంటిమెంట్ భయం పట్టుకుందా?

Posted: 08/01/2013 04:03 PM IST

పవర్ స్టార్ పవన్ కళ్యాణ్ కు సెంటిమెంట్ భయం పట్టుకుందని టాలీవుడ్ పెద్దలు చెప్పుకుంటున్నారు. పవన్ కళ్యాణ్ అత్తారింటికి దారేది సినిమాను రోజుకు ఒకసారైనా గుర్తు చేసుకోకుండా ఉండలేకపోతున్నారు. ఈ సినిమాకు వచ్చిన హైప్ అలాంటిది మరి. ఈ సినిమాకు రిలీజ్ కు ముందే బంపర్ హిట్ అనే టాక్ కూడా వచ్చేసింది. అయితే పవన్ కళ్యాణ్ మాత్రం సెంటిమెంట్ భయంతో ఉన్నట్లు సమాచారం. అసలు పవన్ సెంటిమెంట్ ఏంటో తెలుసా పవన్ తో ఒక సినిమా చేసి రెండో సినిమాకు హిట్ కొట్టిన దర్శకులే లేరని సినీ ప్రజలు అంటున్నారు. అయితే ఇప్పుడు అత్తారింటికి దారేదీ సినిమా పరిస్థితి ఏంటనేది పవన్ కు అర్థం కావటంలేదని సినీ వర్గాలు అంటున్నాయి. అయితే ఇప్పటి వరకు పవన్‌తో చేసిన సినిమాలను చూస్తే 'బద్రి' చేసిన పూరి జగన్నాధ్ రెండో సినిమా 'కెమెరామెన్‌ గంగతో రాంబాబు', 'ఖుషీ' చేసిన ఎస్‌.జె సూర్య రెండో సినిమా 'పులి', 'తొలిప్రేమ' తీసిన కరుణాకరన్‌ 'బాలు', 'సుస్వాగతం'తో హిట్టిచ్చిన భీమనేని శ్రీనివాసరావు 'అన్నవరం' ఇలా అందరూ విఫలమైన దాఖలే కనిపిస్తున్నాయి . ఇప్పుడు త్రివిక్రమ్ తోలి సినిమాగా 'జల్సా' చేయగా ఇప్పుడు 'అత్తారింటికి దారేది' అంటూ మరో ప్రయత్నం చేస్తున్నాడు. మరి త్రివిక్రమ్ తప్పక హిట్ ఇస్తాడో లేక ఆ లిస్టులో త్రివిక్రమ్ కూడా చేరిపోతాడో చూడాలి. అయితే ఈ సెంటిమెంట్ పై నమ్మకంలేని అభిమానులు మాత్రం అత్తారింటికి దారేది సినిమా మాత్రం సూపర్ విజయం సాధిస్తుందని అంటున్నారు.