అత్త పార్టీలో కోడలు పెత్తనం?

Posted: 08/02/2013 02:35 PM IST

అత్తకు తొడుగా కోడలు గడపదాటవలసిన సమయం ఆసన్నమైంది. నిన్నటి వరకు అత్త పక్కన మహిళ నాయకుల సందండి ఉండేది. కానీ నేటి నుంచి అత్తకు సపోర్టుకు జగన్ భార్య భారతి రంగంలోకి దిగుతున్నట్లు వైఎస్ఆర్ కాంగ్రెస్ పార్టీ నాయకులు అంటున్నారు. ఇన్ని వరకు బిజినేస్ కే పరిమితమౌన వైఎస్ భారతి రాజకీయాల్లోకి అడుగు పెట్టే సమయం దగ్గర పడింది. అసలే పార్టీ నాయకుల మద్య విభేదాలు రగులుతున్న విషయం తెలిసిందే. ఇప్పటి వరకు వైఎస్ భారతి నేషనల్ మీడియాకే పరిమితి అయ్యింది. ఇప్పుడు పరిస్థితుల్లో పార్టీని బతికించుకునేందుకు ముగ్గురు ఆడవాళ్లు నడుం బిగించారు. వైఎస్ షర్మిల పాదయాత్ర పేరుతో ప్రజల్లో చైతన్యం తెస్తున్న విషయం తెలిసిందే. ఇక వైఎస్ విజయమ్మ , వైఎస్ భారతి ఇద్దరు కలిసి పార్టీ పై ద్రుష్టి పెట్టేకుందుకు రంగం సిద్దమైంది. తెలంగాణ నేతల నిష్క్రమణలతో డీలా పడ్డ వైఎస్సార్ కాంగ్రెస్ లో మరింత జోష్ నింపేందుకు భారతి రంగంలోకి రానున్నారు.ఇప్పటివరకు జగన్ తల్లి విజయమ్మ, చెల్లి షర్మిల ప్రజల్లోకి వచ్చారు.

 

ఇప్పటివరకు భర్త అరెస్టు..నిరసన కార్యక్రమాలకు తప్ప నేరుగా ప్రజలతో మమేకం అయ్యింది లేదు. పార్టీ పరిస్థితి నానాటికీ దయనీయంగా మారటం.. ఉన్న నేతలు ఎవరి దారి వాళ్లు చూసుకునేందుకు సిద్ధం కావటంతో పార్టీలో నూతనోత్సాహం తీసుకొచ్చేందుకు తమ దగ్గరున్న ఆఖరి ఆస్త్రాన్ని బయటకు తీయనున్నారు. స్వహతగా భారతి మంచి ఆలోచనపరురాలు. ఏ విషయాన్నైనా క్షున్నంగా అద్యయనం చేయటం ఈమెకు ఆలవాటు. పార్టీ ప్రసంగాల్లో విజయమ్మ ఆకట్టుకునేలా మాట్లాడలేకపోవటం.. అనుకున్నంత స్పందన రాని నేపథ్యంలో భారతి ఎంట్రీ ఆ కొరత తీరుస్తుందని భావిస్తున్నారు. పలుమార్లు జాతీయ మీడియాతో మాట్లాడిన ఆమె మంచి వక్తగా పేరొందారు. రాష్ట్ర విభజన నేపధ్యంలో విజయమ్మ తెలంగాణ రాష్ట్ర వ్యవహారాలను, షర్మిలా సీమాంధ్ర వ్యవహారాల బాధ్యులుగా వ్యవహరించే అవకాశం ఉంది. భారతి ఎంట్రీతో.. ఆమె అత్తకు తోడుగా నిలవనున్నారు. అయితే భారతి ఎంట్రీ తో రాజకీయాలలో మరో మహిళా నాయకురాలు ప్రజలకు పరిచయం అవుతున్నదని వైసీపీ నాయకులు అంటున్నారు. అయితే కోడలు దిద్దే పార్టీలో ఎలాంటి మార్పులు చోటు చేసుకుంటాయో వేచి చూడాలి.