తప్పించుకున్న చంద్రబాబు..?

Posted: 06/14/2013 08:50 PM IST

తెలుగుదేశం పార్టీ అధినేత నారా చంద్రబాబు నాయుడు తెలివిగా తప్పించుకున్నారు. ఈరోజు తెలంగాణ రాష్ట్రం సమితి, టి జేఏసీ ఆధ్వర్యంలో చేపట్టిన ‘ఛలో అసెంబ్లీ ’ కార్యక్రమానికి మద్దతు అన్ని రాజకీయ పార్టీలు, పార్టీల నాయకులు మద్దతు తెలిపిన విషయం తెలిసిందే. ఈ ఛలో అసెంభ్లీ పై ప్రభుత్వం అవలంభించిన తీరుపై నగర ప్రజలు మండిపడుతున్నారు. నగరంలో హైటెన్షన్ జరుగుతుంటే.. టీఆర్ఎస్ నాయకుడు కేసిఆర్, టిడిపి అధినాయకుడు చంద్రబాబు గానీ ఎక్కడ మీడియాకు, ప్రజలకు కనిపించలేదు. చంద్రబాబు ఈరోజు ఇలా ఉంటుందనే తెలిసి, తెలంగాణ కు మద్దతు పలికితే.. ఆంద్రలో ఎఫెక్ట్ ఉంటుందని భావించి .. ఆయన చల్లగా విదేశాలకు చెక్కేశారు. ఈరోజు జరిగే బరువు బాధ్యతలను టిడిపి తెలంగాణ నాయకుడు మోత్కుపల్లి నరసింహులు, ఎర్రబెల్లి దయాకర్ రావు తదితర నేతలపై పెట్టి, బాబు తెలివిగా తప్పించుకున్నాడని టీఆర్ఎస్ నాయకులు అంటున్నారు. టిఆర్‌ఎస్‌, టి-జేఏసీ చేపట్టిన ఛలో అసెంభ్లీ లో పాల్గొనాల్సి వస్తుందనే ఉద్దేశంతో చంద్రబాబు తప్పించుకోవటం జరిగిందని సీనియర్ రాజకీయ నాయకులు అంటున్నారు. పరిస్థితులను బట్టి చూస్తే బాబు చేసింది నిజమే అనే అనుమానం కలుగుతుందని తెలంగాణ టిడిపి నాయకులు చెవులుకొరుక్కుంటున్నారు. ఏమైన బాబు తెలివి అమోఘం అని సీనియర్ రాజకీయ మేథావులు అంటున్నారు. ‘‘కర్ర విరగకుండా.. పామును చంపటం’’ అంటే ఇదేనేమో....