Posted: 02/12/2013 02:57 PM IST

నటుడు మోహన్ బాబు కూతురు మంచు లక్ష్మీ ప్రసన్న తనకంటూ ఒక గుర్తింపు తెచ్చుకుంది. తన  నిర్మాత, నటీగా మంచి పేరు తెచ్చుకున్న లక్ష్మీ ఇటీవల మణిరత్నం దర్శకత్వంలో వచ్చిన  కడలి  సినిమాలో ఒక వేశ్య పాత్ర పోషించింది.  లక్ష్మీ నటించిన తక్కువ సమయంలోనే  ఆమె నటనకు మంచి పేరు తెచ్చుకోవటం జరిగింది.  మోహన్ బాబు కూతురుగా నటనలో ఎదిగిపోయిందని  సినీ పెద్దలు చెప్పుకుంటున్నారు.  ఆమె నిర్మాతగా ‘గుండెల్లో గోదారి’ లో పల్లెటూరి  అమ్మాయిలా  అలరించబోతోన్న  లక్ష్మీ  ప్రసన్నకు  భక్తి ఎక్కువే అని నిరూపించుకుంది.  ఇప్పటి వరకు ఎంతో బిజీగా ఉన్నా తన మనసులోని కోరికలను ప్రసన్న లక్ష్మీ తీర్చుకుంటుంది. తన ఫ్రేండ్స్ తో కలిసి  అలహాబాద్ లో జరిగే  మహకుంభమేళాకు వెళ్లి , సాధువులతో కలిసి పుణ్య స్నానం  చేసి,  భక్తి శ్రద్దలతో  దేవుణ్ని  దర్శించుకుంది.  ఈ మద్య కాలంలో  ప్రసన్న లక్ష్మీలో కొంచెం దైవభక్తి ఎక్కువుగా కనిపిస్తుంది.  ఇటీవల  భద్రాచలం వెళ్లి సీతరాముల వారిని  దర్శించుకోవటం జరిగింది.  అయితే  అలహాబాద్ లో  జరుగుతున్న కుంభమేళాలో  తన స్నేహితురాళ్లతో కలిసి హాయిగా గడిపినట్లు తెలుస్తోంది. అంతేకాకుండా  కుంభమేళాలో అంతమంది  సాధువలను, దిగంబర స్వాములను  చూసిన లక్ష్మీకి  చాలా థ్రిల్లింగ్  గా అనిపించిందట.  ఆ ఆనందం  మాటల్లో చెప్పలేనని  మంచు లక్ష్మీ తన సన్నిహితులతో చెబుతుందట.  అయితే మంచు లక్ష్మీ దైవ భక్తికి కారణం ఉందని  సినీ జనాలు అంటున్నారు.  ఆమె నటించిన  గుండెల్లో గోదారి  సినిమా ఇప్పటివరకు విడుదల కాలేదు.   ఆ సినిమా కోసం ఫైనాన్స్ పెట్టిన వారు లక్ష్మీ పై ఒత్తిడి పెంచుతున్నారు.  ఆ సినిమా లేటు అయ్యే కొద్ది  వడ్డీ మాత్రం గోదారిలో  సాగిపోతుందనే భయంతో లక్ష్మీ కనిపించిన ప్రతి దేవుడికి మొక్కుతున్నట్లు  టాలీవుడ్  గుసగుసలు వినిపిస్తున్నాయి.