Posted: 11/21/2012 05:58 PM IST

ఉగ్రవాది అజ్మల్ కసబ్ ఈ రోజు ఉదయం 7.30 గంటలకు అతి రహస్యం ఉరి తీశారు. కసబ్ ను ఉరి తీశారు అని మహారాష్ట్రం ప్రభుత్వం, హోంశాఖ మంత్రి మీడియా కు చెబితేగానీ .. దేశ ప్రజలకు తెలియాలేదు. కసబ్ ఉరి పై అనేక అనుమానాలు ఉన్నాయని ప్రజలు అంటున్నారు. అసలు కసబ్ కు నిజంగానే ఉరి శిక్ష వేశారా? కసబ్ కు ఉరి శిక్ష వేసింది ఎవరు? కసబ్ కు ఉరి శిక్ష అమలు జరిపిన తలారి ఎవరు?  ఆ తలారి పేరు ఏమిటి? ఇంత రహస్యంగా ఎందుకు కసబ్ ను ఉరి తీశారు?  ఒకవేళ కసబ్ ది సహాజ మరణమా? అనే  అనుమానాలు దేశ ప్రజల మద్య చకర్లు కొడుతున్నాయి. అసలు కసబ్‌కు ఉరిశిక్ష విధించారా? కొద్ది కాలంగా అతను డెంగ్యూ ఫీవర్‌తో బాధపడుతున్నందున దాంతో మృతి చెంది ఉంటాడా? ఒకవేళ ఉరిశిక్ష విధించినా అనారోగ్యంతో ఉన్న వ్యక్తికి ఉరిశిక్ష వేసేందుకు భారత చట్టాలు అనుమతిస్తాయా? అనే అనుమానాలు పలువురు వ్యక్తం చేస్తున్నారు.

 బుధవారం ఉదయం ఏడున్నర గంటలకు కసబ్‌ను పూణేలోని ఎరవాడ జైలులో ఉరి తీసినట్లుగా తెలియజేశారు. ఆ తర్వాత రెండు మూడు గంటల్లోనే అతని మృతదేహాన్ని ఎరవాడ జైలులో ఖననం చేశారు. దీంతో డెంగ్యూతో బాధపడుతున్న నిందితుడిని ఎలా ఉరి తీస్తారని అంటున్నారు. అదే నిజమైతే అతను డెంగ్యూతోనే బాధపడుతూ మృతి చెందవచ్చుననే ప్రచారం జరుగుతోంది. అందుకే గంటల్లో ఖననం చేసి ఉంటారనే  అనుమానాలు వ్యక్తం చేస్తున్నారు.కసబ్‌ను ఉరి తీసినట్లుగా కేంద్ర హోంమంత్రి సుశీల్ కుమార్ షిండే, మహారాష్ట్ర హోంమంత్రి ఆర్ ఆర్ పాటిల్‌లు చెప్పారు. గంటల్లోనే ఖననం చేసినట్లు చెప్పారు. ఇటీవల కసబ్ డెంగ్యూ వ్యాధితో బాధపడుతున్నట్లుగా వార్తలు వచ్చాయి. కానీ ఆ తర్వాత వైద్యులు కసబ్ కేవలం సాధారణ జ్వరంతో బాధపడుతున్నట్లుగా ప్రకటించారు. కసబ్ ఉరిశిక్షకు సంబంధించిన పిక్చర్స్ ఎందుకు బయటకు రాలేదనే ప్రశ్న కూడా పలువురిలో ఉదయిస్తోంది.