Posted: 11/21/2012 05:21 PM IST

నందమూరి నటసింహం బాలక్రిష్ణ త్వరలో తన సెంకండ్ ఇన్నింగ్స్ ని ప్రారంభించబోతున్నారు. రానున్న 2014 ఎన్నికకలో లోపు వంద సినిమాలు పూర్తి చేసి, తరువాత సినిమాలకు స్వస్తి చెప్పి రాజకీయాల్లో కొనసాగాలనే ఆలోచనలో ఉన్నట్లు సమాచారం. ఇక బాలయ్య రాజకీయాల్లోకి వస్తే, మెగా స్టార్ చిరంజీవికి కూడా పోటీగా ఉంటారని అంటున్నారు. ఆయన రానున్న ఎన్నికలలో అనంతపురం జిల్లా హిందూపురం లోక్‌సభ స్థానం నుంచి పోటీకి దింపి తద్వారా పార్లమెంటుకు పంపాలన్న యోచనలో తెలుగుదేశం పార్టీ ఉన్నట్లు తెలుస్తోంది. ఇప్పటి నుండి లోక్ సభ అభ్యర్థుల జాబితాను రూపొందించే పనిలో పడ్డ తెలుగుదేశం పార్టీ గెలుపు గుర్రాలకే టిక్కెట్లు ఇవ్వాలని భావిస్తుంది. లోకసభ అభ్యర్థులుగా మంచి చరిష్మా ఉన్న మాజీ మంత్రులకు , సీనియర్ నేతలను బరిలో దించే ఆలోచనలో ఉన్నట్లు తెలుస్తుంది. ఇందులో భాగంగానే  సినీ హీరో నందమూరి బాలకృష్ణను అనంతపురం జిల్లా హిందూపురం లోక్‌సభ స్థానం నుంచి పోటీకి దింపనున్నట్లు విశ్వసనీయ సమాచారాన్ని బట్టి తెలుస్తోంది. గత ఎన్నికల్లో ఈ సీటును టీడీపీ గెలుచుకుంది. ఒకవేళ ఈ స్థానం కాకుంటే విజయవాడ సీటుకు కూడా బాలయ్య పేరును పరిశీలించే అవకాశం ఉంది. పొలిట్‌ బ్యూరో సభ్యుడు యనమల రామకృష్ణుడిని ఈసారి కాకినాడ నుంచి బరిలోకి దింపే అవకాశం ఉంది. మొత్తం మీద పార్లమెంటు సీట్లపై తెదేపా ముందస్తుగానే దృష్టి సారించేసింది. మరి బాలయ్య గెలిచి పార్లమెంటులో అడుగు చిరుకు ధీటుగా  తన సత్తా చాటుతాడో చూడాలి.