Posted: 09/10/2012 04:07 PM IST

ఇటీవలనే జగన్  జైల్లో తన 100రోజుల పండుగ చేసుకున్న విషయం తెలిసిందే.  అయితే జైల్లో సెంచరీ పూర్తి చేసిన ఆయనకు ఆ పార్టీ నాయకులు  మాత్రం కొత్త కొత్త అర్థాలు చెబుతున్నారు.  జగన్ జైల్లో ఉండే  కేంద్రంలో చక్రం తిప్పుతాడని  ఆ పార్టీ నాయకుడు  అంటున్నారు. సేవ్ కాంగ్రెసు పార్టీ పేరుతో రాజ్యసభ సభ్యుడు వి హనుమంత రావు ఏర్పాటు చేసిన సమావేశం పైన గోనె మండిపడినట్లు తెలుస్తోంది. కాంగ్రెసును రక్షిస్తానని విహెచ్ అనడం విడ్డూరంగా ఉందన్నారు. ఏదో ఒక నియోజకవర్గంలో విహెచ్ పోటీ చేసి గెలవాలని సవాల్  చేసినట్లు మీడియా వర్గాలు అంటున్నాయి. విహెచ్ తన సొంత నియోజకవర్గంలో తన బలాన్ని నిరూపించుకోగలరా జగన్ పార్టీ నాయకులు అడుగుతున్నారట.  2004లో, 2009లో కాంగ్రెసు పార్టీని దివంగత వైయస్ రాజశేఖర రెడ్డి గెలిపించలేదా అని ఆ పార్టీ నాయకులు అంటున్నారు. వైయస్ వల్లే రాష్ట్రంలో కేంద్రంలో కాంగ్రెసు రెండోసారి అధికారంలోకి వచ్చిందన్నారు. తమ పార్టీ గౌరవ అధ్యక్షురాలు వైయస్ విజయమ్మ తమ పార్టీని కాంగ్రెసులో విలీనం చేస్తామని చెప్పలేదన్నారు. పిటిఐ వార్తా కథనం వెనుక తెలుగుదేశం పార్టీ అధినేత నారా చంద్రబాబు నాయుడు హస్తం ఉందని ఆయన అనుమానం వ్యక్తం చేశారు. జగన్ సిఎం అవుతారు... ఉప్పునూతల నాటి కాంగ్రెసుకు, ఇప్పటి కాంగ్రెసుకు ఎంతో తేడా ఉందని సీనియర్ నేత ఉప్పునూతల పురుషోత్తం రెడ్డి నల్గొండ జిల్లాలో అన్నారు. ప్రజల్లో చెరిగిపోని ముద్ర వేసుకున్న నాయకుడు దివంగత వైయస్ రాజశేఖర రెడ్డి అన్నారు. 2014 ఎన్నికలలో వైయస్ జగన్మోహన్ రెడ్డియే ముఖ్యమంత్రి అవుతారన్నారు.