Posted: 09/05/2012 06:27 PM IST

ఆ హీరోకి .. అవ్వా కావాలి .. బువ్వా కావాలట?  ఆ హీరో  ఒక్క ప్రభుత్వం ఉద్యోగం చేస్తూ.. మరోపక్క  తన సొంత లాభం కోసం సినిమాల్లో  హీరోగా  చేస్తున్నాడట.  ప్రభుత్వ పనులు గాలికి వదిలేసి .. సొంత ఇమేజ్ కోసం కష్టపడుతున్న హీరో గారి కర్ణాటక ప్రభుత్వం పెద్ద షాక్ ఇచ్చినట్లు తెలుస్తోంది.    ఉద్యోగం కావాలో, లేక నటన కావాలో  హీరోగారినే తెలుసుకోమని ప్రభుత్వం నోటీసులు జారీ చేసిందట. అయితే ఆ నోటీసులకు  హీరోగారు  సినిమాల్లో  మాదిరి ..  కోర్టు కెక్కినట్లు కన్నడ మీడియా వర్గాలు అంటున్నాయి.  కీలకమైన బాధ్యతలు నిర్వహిస్తున్న ప్రభుత్వ ఉద్యోగు లు సినిమాల్లో నటించడం కుదరదని కర్ణాటక హైకోర్టు తేల్చి చెప్పింది. హీరోగా మారిన కన్నడ ఐఏఎస్ అధికారి కె.శివరాం దాఖలు చేసుకున్న రిట్ పిటిషన్‌ను కొట్టేస్తూ తీర్పునిచ్చింది. నటన లేదా ఉద్యోగం ఏదో ఒక్కదానికే పరిమితం కావాలని స్పష్టం చేసింది. ఐఏఎస్, కేఏఎస్ అధికారులు సినిమాల్లో నటించడం కుదరదని గతంలో ప్రభుత్వం సర్క్యులర్ జారీ చేసింది.

దీన్ని సవాల్ చేస్తూ సినీ హీరో శివరాం హైకోర్టు సింగిల్ బెంచ్‌కు అప్పీల్ చేయగా.. చుక్కెదురైంది. దీంతో డివిజనల్ బెంచ్‌కు మళ్లీ అప్పీల్ చేసుకున్నారు. దీనిపై విచారణ జరిపిన హైకోర్టు న్యాయమూర్తులు మరోమారు శివరాంకు షాక్ ఇచ్చారు. దీనిపై శివరాం సుప్రీంకోర్టులో సవాల్ చేసే అవకాశాలు కన్పిస్తున్నాయి.