Posted: 09/05/2012 05:06 PM IST

సెంటిమెంట్స్ కు నిలయం టాలీవుడ్.  మిగత చిత్రసీమ విషయాలు మనకు తెలియావు గానీ , మన టాలీవుడ్ లో  సెంటిమెంట్స్ ప్రభావం చాలా ఉంటుందని  సినీ ప్రముఖులు అంటున్నారు. అదీ ఇటీవల బాగా ఎక్కువైందని చెబుతున్నారు. అందుకు కొన్ని నిజాలు కూడా వారు చెబుతున్నారు.  ఈ సెంటిమెంట్ దేవుళ్ల పైన కాదండోయ్. మనుషుల మీదే సెంటిమెంట్ ఎక్కువుగా ఉంటుందట. అంటే  ఫలనా హీరో వస్తే మూవీ సెట్స్ కి లో అడుగు పెడితే .. ఆ సినిమా మంచి విజయం సాధిస్తుందని. అలాగే  ఒక ప్రముఖ హీరోతో ఆడియో ఫంక్షన్ ఒపెనింగ్ చేస్తే  ఆ సినిమా సూపర్ డూపర్ హిట్ అనే టాక్  టాలీవుడ్ లో ఉంది.  ఈ  సెంటిమెంట్ ను దూకుడు, గబ్బర్ సింగ్ , జులాయి, ఇష్క్  సినిమాలు నిజం చేశాయాని  టాలీవుడ్ ప్రజలు అనుకుంటున్నారు.  ఇప్పుడు అంతా పవన్ కళ్యాన్ ది లక్కీ హ్యాండ్ అని అంటున్నారు.  ఆ లక్యీ హ్యాండ్ కోసం హీరో శ్రీకాంత్ ట్రై చేస్తున్నట్లు తెలుస్తోంది. ఇటీవల  శ్రీకాంత్, విదీష, మీనాక్షి దీక్షిత్ కాంబినేషన్లో నాని కృష్ణ దర్శకత్వంలో రూపొందుతున్న చిత్రం ‘దేవరాయ'. నానిగాడి సినిమా సమర్పణలో సన్ రే ఇంటర్నేషనల్ పతాకంపై కిరణ్ జక్కం శెట్టి, నాని కృష్ణ ఈ చిత్రాన్నినిర్మించారు. అయితే  ఈ సినిమా ఆడియో ఆవిష్కరణ ఈ నెల 12న హైదరాబాద్‌లోని శిల్పకళా వేదికలో జరిపేందుకు ఏర్పాట్లు చేస్తున్నారు.  

ఈ ఆడియో ఆవిష్కరణ పవర్ స్టార్ పవన్  కళ్యాణ్  చేతుల మీదగా జరగాలని శ్రీకాంత్ కోరినట్లు తెలుస్తోంది.  అంటే పవన్ కళ్యాన్ గతంలో .. ఇష్క్  సినిమా ఆడియోను ఆవిష్కరించిన విషయం తెలిసిందే. ఆ సినిమా మంచి విజయం సాధించటంతో శ్రీకాంత్  పవన్ కళ్యాణ్  ముఖ్య అతిథిగా పాల్గొనలాని అడిగినట్లు  సినీ జనాలు అంటున్నారు.  ఇటీవల శ్రీకాంత్ కు  సినిమాలు  విజయం సాధించని విషయం తెలిసిందే. ఈ సినిమాతో  మంచి విజయంతో మంచి పేరు తెచ్చుకోవాలని  శ్రీకాంత్  ఆశతో ఉన్నట్లు తెలుస్తోందిపవన్ కళ్యాణ్ మా ఫంక్షన్‌కు వస్తున్నందుకు చాలా ఆనందంగా ఉంది. శ్రీకాంత్ కెరీర్లోనే ఈ సినిమా చాలా ప్రత్యేకంగా నిలిచిపోతుంది. శ్రీకృష్ణ దేవరాయలు, దొరబాబుగా ఆయన రెండు పాత్రల్లో కనిపిస్తారు. రాయలవారి గెటప్‌లో ఆయన చాలా హుందాగా ఉన్నారు.