Posted: 08/26/2012 02:39 PM IST

       మెడికల్  కౌన్సెలింగ్ వ్యవహారంలో బ్రోకర్ల చేతివాటంపైనా.. విద్యార్థులకు జరుగుతున్న అన్యాయంపై ఎన్టీఆర్ హెల్త్ యూనివర్సిటీ వీసి  ఆగ్రహం వ్యక్తం చేశారు.  ఈ వ్యవహారంపై తగిన నివేదిక సమర్పించాలని జేఎన్టీయూ అడ్మిషన్స్  డైరెక్టర్ ను ఆదేశించారు.  పూర్వాపరాల్లోకి వెళితే.. 
      మెడికల్  కౌన్సిలింగ్  ప్రక్రియలో అమాయక విద్యార్థులను ఆసరాగా చేసుకుని దళారులు రంగంలోకి దిగుతున్నారు. ఎక్కువ ర్యాంక్ వచ్చినా .. మెడికల్ సీట్లు ఇప్పిస్తామంటూ బ్రోకర్లు విద్యార్థులను ప్రలోభపెట్టి లక్షలకు లక్షలు దండుకుంటున్నారు.  దీంతో కౌన్సెలింగ్ ద్వారా రావాల్సిన సీట్లను పేద విద్యార్థులు కోల్పోతున్నారు. అంతేకాదు మాయ చేసి సీటు రావాల్సిన విద్యార్థులకు నాలుగైదు లక్షలు చేతిలో పెట్టి.. ఆ సీటును 70 లక్షలకు అమ్ముకుంటున్నట్లు తేటతెల్లమైంది. దీనిపై ఎన్టీఆర్  హెల్త్ యూనివర్సిటీ వైస్ ఛాన్సెలర్ స్పందించారు. పేద విద్యార్థులకు   జరుగుతున్న అన్యాయంపై తీవ్రంగా మండిపడ్డారు.  
       హెల్త్ యూనివర్సిటీ వీసి ఆదేశాల మేరకు నివేదిక సమర్పించిన జేఎన్టీయూ  అడ్మిషన్స్ డైరెక్టర్  బ్రోకర్లు సీట్ల అమ్మకాలకు  పాల్పడకుండా  అన్ని చర్యలు తీసుకున్నామని చెప్పారు.  కౌన్సిలింగ్ కు విద్యార్థులను వారి తల్లిదండ్రులను మాత్రమే అనుమతిస్తున్నట్లు తెలిపారు. విద్యార్థులు బ్రోకర్ల ట్రాప్ లో పడొద్దని సూచించారు.  బ్రోకర్ల మాయమాటలు నమ్మి సీట్లు కోల్పోవద్దని ఆంధ్రవిశేష్ సూచన.

...avnk