Posted: 08/16/2012 06:13 PM IST

షేర్ ఖాన్ అంటే గుర్తుకు రాలేదా?  చిరంజీవి తనయుడు  రికార్డులు  బద్దులు కొట్టిన  మగధీర సినిమాలో  .. ‘‘ఒక్కడు కాదు షేర్ ఖాన్ .. ఒకే సారి 100 మందిని పంపించు’’  అన్న డైలాగులు ప్రతి ఒక్కరికి గుర్తు ఉండే ఉంటాయి. ఇప్పుడు ఆ షేర్ ఖాన్  తన పుట్టిన రోజు సందర్భంగా ఈ కొత్త డైలాగ్ చెప్పినట్లు తెలుస్తోంది.  విలన్ , హీరో, నిర్మాత, కేరెక్టర్ ఆర్టిస్ట్ ఇలా బహుముఖంగా రాణించిన శ్రీహరి మొత్తానికి తన మనసులో కోరిక బయటపెట్టేశాడు. సామాజిక దృక్ఫథంతో కొన్ని సినిమాలు చేసిన శ్రీహరి భవిష్యత్తులో రాజకీయాల్లోకి రావాలనే కోరికను చాటుకొన్నాడు. అది కూడా వచ్చే రెండేళ్లలో జరిగే అసెంబ్లీ ఎన్నికల్లో పోటీ చేస్తాడని శ్రీహరి తన పుట్టిన రోజు సందర్భంగా ప్రకటించాడు. ’2014 ప్రత్యక్ష ఎన్నికల్లో పాల్గొనబోతున్నా’ అని శ్రీహరి స్వయంగా ప్రకటించాడు. అది ఏ పార్టీ తరపున అంటే…అందులో స్పష్టత ఇవ్వలేకపోయాడు ఆయన. టెక్నికల్ గా చూసుకొన్నప్పుడు శ్రీహరి కాంగ్రెస్ పార్టీలో ఉన్నట్లే! 2007 నుంచి ఇతడు కాంగ్రెస్ తో సన్నిహితంగా మెలుగుతున్నాడు. కొన్ని ఎన్నికల విషయంలో ఇతడు ఆ పార్టీ తరపున ప్రచారం కూడా చేశాడు.

2009 అసెంబ్లీ ఎన్నికల పోలింగ్ రోజు, తాను కాంగ్రెస్ కు ఓటేశానని బహిరంగంగా ప్రకటించాడు శ్రీహరి. మరి ఇప్పుడు అతడికి ఆ పార్టీతో ఏ మేరకు సంబంధాలు ఉన్నాయో తెలీని అంశమే! ప్రస్తుతం కాంగ్రెస్ పార్టీ ఉన్న పరిస్థితుల్లో శ్రీహరి స్థాయి సినీ గ్లామర్ ను కూడా వదులుకోకపోవచ్చు. అయితే శ్రీహరిలోనే ఆ పార్టీకి దూరంగా జరగాలనే అభిప్రాయం కనపడుతోంది. పూర్వీకులు ఆంధ్రావారే అయినప్పటికీ కూడా శ్రీహరికి తెలంగాణ కలరింగ్  ఉంది. ఈ నేపథ్యంతో అతడు తెరాసా తరపును రాజకీయాల్లోకి వచ్చే అవకాశాలు కూడా లేకపోలేదు. ‘ప్రజలకు అందుబాటు’ లో ఉన్న పార్టీ తరపున పోటీ చేస్తానని శ్రీహరిప్రకటించాడు. అలా కాదంటే…ఇండిపెండెంట్ గా పోటీచేస్తానన్నాడు.  ఇదిలా ఉండగా  శ్రీహరి  జగన్ పార్టీలో చేరే  అవకాశాలున్నాయని  వార్తలు వస్తున్నాయి మరి ఏ ప్రాతిపదికన ఆయన ‘ప్రజలకు అందుబాటులో ఉండే పార్టీ’ విషయంలో నిర్ణయం తీసుకొంటారో!  శ్రీహరి తన సంపాదనలో కొంత భాగం తన కూతురు పేర ‘అక్షయ ఫౌండేషన్’ తరపున పలు సేవా కార్యక్రమాలు చేస్తున్నారు. వాటిని కొనసాగిస్తూనే రాజకీయాల్లోకి వస్తానని చెబుతున్నారు.