Posted: 08/08/2012 06:48 PM IST

 అక్రమాస్తుల కేసులో చంచల్ గూడ  జైల్లో రిమాండ్ లో  ఉన్న వైసీపీ  అధినేత  జగన్ కు రాజకీయ నాయకులు తాకిడి ఎక్కువగా ఉందని   జైలు వర్గాలు అంటున్నాయి.  అది జైల్లో లేదని  వైసీపీ ఆఫీసులా ఉందని  టీడీపీ నాయకులు అంటున్నారు.  ప్రతి రోజు జగన్ కోసం ఎంతో మంది ప్రముఖు లు జైలు కు వస్తున్నారని  జైలు అధికారులు అంటున్నారు.   అయితే ఈ క్రమంలో నే .. ఎన్టీఆర్ భార్య కూడా ఆ వరుసలో చేరిపోయినట్లు  మీడియా వర్గాలు అంటున్నాయి. రీసెంట్ గా  నేను జగన్ పార్టీలో చేరలేదని ఎన్టీఆర్ భార్య  మీడియాకు ప్రకటన ఇచ్చిన విషయం తెలిసిందే. అయితే ఆమె ఇచ్చిన ప్రకటన తరువాత .. జగన్ తన పార్టీ సభ్యులతో కలిసి  చర్చలు జరిపినట్లు తెలుస్తోంది. అందులో భాగంగానే  ఈ రోజు  జగన్ తల్లి విజయలక్ష్మీ , భార్య  భారతి,  భావ అనిల్ , మాజీ మంత్రి  పిల్లి సుభాష్  చంద్రబోస్ తదితరలు  జగన్ తో జైల్లో  కలుస్తున్నారని తెలిసి.. ఎన్టీఆర్ భార్య కూడా  వారితో కలిసి వెళ్లినట్లు మీడియా వార్తలు వస్తున్నాయి. 

ఆ సమయంలో  జగన్  ఎన్టీఆర్ భార్యతో  మచ్చటించినట్లు  జైలు వర్గాలు అంటున్నాయి.  లక్ష్మీ పార్వతి  పనిలో పనిగా.. అక్కడే  జైల్లో ఉన్న  మాజీ మంత్రి  మోపిదేవిని పలకరించినట్లు తెలుస్తోంది.   లక్ష్మీ పార్వతి  జగన్ పార్టీలో  ఇప్పుడే  చేరడంలేదని చెబుతుంది. అంటే  జగన్ డిల్  కుదిరినట్లు లేదని  కాంగ్రెస్ నాయకులు అంటున్నారు.  ఆమె తగిన సమయం కోసం  ఎదురు చూస్తుందని  కాంగ్రెస్ సీనియర్  రాజకీయ నాయకులు  గుసగుసలాడుకుంటున్నారు.  అయితే లక్ష్మీ పార్వతి మాత్రం జగన్ కలిసిన తరువాత .. కష్టాల్లో ఉన్న  జగన్ ని అండగా  ఉండాలనే  ఉప ఎన్నికల్లో  ఆయనకు మద్దతు పలికినట్లు  చెబుతున్నారు.  జగన్ కు  ఆమె తల్లిలాంటిదని  చెబుతుందట. మరీ బాలయ్య, హరిక్రిష్టలు .. ఏమవుతారో..అని కాంగ్రెస్ నాయకులు జోకులు వేసుకుంటున్నారట.  అయితే జగన్ జైలు  నుంచి త్వరగా విడుదల కావాలని  లక్ష్మీ పార్వతి .. నెల్లూరు జిల్లా కావలిలోని ఓ ఆలయంలో  పూజలు చేయటం కొసమెరుపు.