Posted: 08/08/2012 07:01 PM IST

 సూరి హత్య జరిగి ఇప్పటికి  సంవత్సరం దాటిపోయింది.  ఆయన హత్య కేసు మాత్రం అలాగే మిగిలిపోయింది.  సూరి హత్య జరిగిన రోజు  ఒక సినీ నిర్మాత  ఆఫీసు నుండి  40 కోట్లు  తరలి పోయినట్లు వార్తలు వినిపిస్తున్నాయి.   ఇప్పపుడిప్పుడే  భానుకిరణ్  అక్రమాస్తుల చిట్టా విప్పుతున్న కొద్దీ కొత్త విషయాలు వెలుగులోకి వస్తున్నాయాని  పోలీసు వర్గాలు అంటున్నాయి .  సూరి  అనుచరుడిగా  ఉంటూ ఆయన  పేరు చెప్పి  సెటిల్ మెంట్ ద్వారా  ఆర్జించిన  సొమ్మును  బెంగళూరు, చెన్నైలకు  పంపినట్లు  భాను కిరణ్ కొత్త విషయాలు   సీఐడీకి చెబుతున్నాడట.  గతంలో భానును  కస్టడీలోకి తీసుకున్న  సీఐడీ  అధికారులు  అతని పేరుతో ఉన్న బ్యాంకు అకౌంట్లలో  కోట్ల రూపాయల నగదు,  వందల ఎకరాల ఆస్తులకు సంబంధించి  డాక్యుమెంట్లు గుర్తించినట్లు  సీఐడీ వర్గాలు చెబుతున్నాయి.   

అయితే  సూరి హత్య జరిగిన రాత్రే .. హైదరబాద్  ఫిల్మ్  నగర్ లోని ఓ సినీ నిర్మాత  కార్యాలయం  నుంచి కారులో రూ. 40 కోట్ల ను  చెన్నై కి పంపినట్లు  సమాచారం   సీఐడీ వారికి వచ్చిందని అంటున్నారు. ఇంతకీ ఆ నగదు  తీసుకెళ్లిన  వ్యక్తులెవరు?  అది ఏ వాహనం ? దాని యజమాని ఎవరు? అనే అంశాలను  రాబట్టేందుకు   చర్లపల్లి జైల్లో ఉన్న   భానును  రెండు రోజులు కస్టడీకి తీసుకోవటానికి సిద్దమైనట్లు తెలుస్తోంది.    40 కోట్లు  గురించి   భానును అడుగుతున్నట్లు సీఐడీ వర్గాలు చెబుతున్నాయి.  ఈ విషయం తెలుసుకున్న  దక్షిణాదిలో  సుపరిచితుడైన  ఆ తెలుగు నిర్మాత వెన్నులో  వణుకు మొదలైందని పోలీస్ వర్గాలు అంటున్నాయి.  అయితే సదరు నిర్మాత  సీఐడీ అధికారులకు  నుండి తప్పించుకోవటానికి  శతవిధాలా ప్రయత్నాలు ప్రయత్నించి ..చివరకు విదేశీ యాత్రకు  బయలుదేరుతున్నట్లు  తెలుస్తోంది.   అంతేకాకుండా.. హైదరాబాద్ ,  అనంతపురం, బెంగళూరులోని   బ్యాంకుల్లో  భాను ఖాతాలు తెరిచినట్లు  , సెటిల్ మెంట్లు సెటిల్ మెంట్లతో  సంపాదించిన  సొమ్ము ఆయా ఖాతాల్లో  ఉన్నట్లు  సీఐడీ  వారు గుర్తించటం జరిగింది.  ఈ క్రమంలో  మరిన్ని ఆస్తులను సీఐడీ గుర్తించినట్లు తెలుస్తోంది.