Posted: 05/11/2012 03:41 PM IST

సచిన్‌ టెండూల్కర్‌ 11 ఏళ్ల సుపుత్రుడు అర్జున్‌ టెండూల్కర్‌ ఇప్పుడు పీకల్లోతు ప్రేమలో మునిగిపోయాడట.  హెడ్‌లైన్‌ చూసి ఖంగుతిన్నారా..? సచిన్‌ టెండూల్కర్‌ కొడుకేంటి, లవ్‌లో పడడమేంటి, అదీ సచినే ప్రకటించడమేంటి అని ఆశ్చర్యపోతున్నారా.? అయితే ఇది చదవండి.  అది అమ్మాయితో కాదు. క్రికెట్‌తో.  అవును ఈ విషయాన్ని స్వయంగా మాస్టర్‌ బ్లాస్టరే ప్రకటించాడు. తన కొడుకు క్రికెట్‌ లవ్‌ హార్ట్‌లో మొదలై బ్రెయిన్‌ వరకూ వెళ్లిందంటున్నాడు.

‘‘అతడు క్రికెట్‌ను ప్రేమించినంతకాలం మంచిదే. వాచ్‌లో టైమ్‌ని చూసుకోకుండా క్రీజులో గడిపిన సమయాన్ని లెక్కేసుకోవాలి.  ఐతే తనను క్రికెట్‌ ఆడమని ఎవరూ ఫోర్స్‌ చేయలేదని అది తనలోనే పుట్టిందని మాస్టర్‌ అన్నాడు. ఎంతసేపు ప్రాక్టీస్‌ చేశామన్నది లెక్కలోకి రాదు ఎంత సేపు క్రీజులో ఉన్నామన్నదే లెక్క అని సచిన్‌ కొడుకుకు సలహాలిస్తున్నాడు. అప్పుడే క్రికెట్‌లో ఓ స్థానానికి చేరుకుంటాడు’ అని మాస్టర్‌ తన కొడుకు అర్జున్‌ గురించి టైమ్‌ మ్యాగజీన్‌ జరిపిన ఇంటర్వ్యూలో తెలిపాడు. ఐతే తన పిల్లల్ని సరదాగా వాకింగ్‌కు తీసుకెళ్లలేకపోతున్నందుకు సచిన్‌ బాధపడుతున్నాడు.

ఐతే తన పిల్లలకు క్రికెట్‌ నేర్పించడం కన్నా మంచి విషయాలను చెప్పడంలేనే ఎక్కువ ఇష్టపడుతానన్నాడు. అందరిలా తన పిల్లల్ని బయటకు తీసుకెళ్లలేకపోతున్నానని, ఐతే హాలీడేస్‌ వచ్చినపుడు వారితోనే ఎక్కువ సమయం గడుపుతానని మాస్టర్‌ అంటున్నాడు. వారు మంచి క్రికెటర్‌ అనిపించుకోవడం కన్నా మంచి పౌరులుగా పేరుతెచ్చుకోవాలి. అప్పుడే క్రికెట్‌ నుంచి వైదొలగినా మంచి వ్యక్తులుగా మిగిలిపోతారు అన్నాడు.