Posted: 04/07/2012 11:10 AM IST

ఈ బెంగాలి పిల్ల ‘సిద్దు From సికాకులం’ సినిమాతో వెండితెరకు పరిచయం అయింది. బెంగాలి పిల్ల శ్రద్ధాదాస్ కు అందాలు ఆరబోయటంలో ఆమెకు ఆమె సాటి. శ్రద్ధాదాస్ అనే పేరు వినగానే.. హాట్ హాట్‌గా ఓ శృంగారదేవత కంటిముందు సాక్షాత్కరిస్తుంది. ఆర్య-2, మొగుడు చిత్రాల్లో ఈ ముద్దుగుమ్మ చేసిన అందాల కనువిందు ఆ అభిప్రాయాన్ని కలిగిస్తుంది. ఎప్పుడూ బోల్డ్‌గానే కనిపించే శ్రద్ధ... ఇటీవల స్టైల్ మార్చారు. భారతీయత ఉట్టిపడే లంగా ఓణీతో ఫొటోలకు పోజులిచ్చేశారు.

ఒకప్పుడు నన్ను సీక్వెల్ క్వీన్ అన్నారు. కానీ ఇప్పుడు నేను ‘ఇనాగరేషన్ క్వీన్’ని’’ అంటున్నారు శ్రద్ధాదాస్. ఆర్యకి సీక్వెల్‌గా రూపొందిన ‘ఆర్య-2’, చంద్రముఖి సీక్వెల్ అయిన ‘నాగవల్లి’లో నటించినందువల్లే శ్రద్ధాకి సీక్వెల్ రాణి అనే పేరొచ్చింది. ఇక, ఈ ఏడాది ఇప్పటివరకు ఆమె 20కి పైగా ప్రారంభోత్సవాల్లో పాల్గొన్నారు. 3 నెలల్లో ఇన్ని ప్రారంభోత్సవాలంటే మామూలు విషయం కాదు. అందుకే తనకు తానుగా శ్రద్ధా ‘ప్రారంభోత్సవాల రాణి’ అని బిరుదు ఇచ్చుకున్నారు. ఈ ప్రారంభోత్సవాల్లో ఎక్కువ శాతం హైదరాబాద్‌లో జరిగినవే ఉన్నాయి.

ఈ కార్యక్రమాల్లో పాల్గొంటూనే మరోవైపు ‘రేయ్’ చిత్రం షూటింగ్ కూడా చేశారామె. ఇటీవల మరో చిత్రం అంగీకరించారు శ్రద్ధాదాస్. మహేష్‌బాబు కజిన్ అయిన శివ ఈ చిత్రం ద్వారా హీరోగా పరిచయం కాబోతున్నారు. ఈ రెండు చిత్రాల్లోనూ నావి మంచి పాత్రలే. ఇటీవల షూటింగ్స్ ప్లస్ కమర్షియల్ ఓపెనింగ్స్‌తో బిజీగా ఉండటంవల్ల డైట్‌ని అశ్రద్ధ చేశాను. ఆ ఫలితంగా కొంచెం బరువు పెరిగాను. అందుకని కొంతమంది తెలుగు స్నేహితులు ‘లడ్డూ పాపా’ అని ఆటపట్టిస్తున్నారు’’ అని చెప్పారు. ఈ తరం హీరోయిన్లకు ‘మెరుపు తీగ’ అనిపించుకోవాలని ఉంటుంది. అందుకు భిన్నంగా ‘లడ్డూ పాపా’ అని ఎవరైనా అంటే.. కాస్త టెన్షన్‌గానే ఉంటుంది. ఆ టెన్షన్‌తోనే శ్రద్ధా వర్కవుట్లు మొదలుపెట్టారట.

త్వరలో ‘స్లిమ్ శ్రద్ధా’ అనిపించుకోవాలనే పట్టుదలతో ఉన్నారు ఈ బ్యూటీ. ఇంకో విషయం ఏంటంటే.. ఈ మూడు నెలల్లో శ్రద్ధాదాస్ భారీ ఎత్తున షాపింగ్ చేశారట. దాదాపు 600 డ్రెస్సులు కొన్నానని, కొత్త కొత్త కలర్ కాంబినేషన్స్‌ని సెలక్ట్ చేసుకున్నానని శ్రద్ధాఅన్నారు. ఇప్పుడు ఈ సుందరాంగి జీవితం చాలా కలర్‌ఫుల్‌గా ఉందన్నమాట.