Posted: 04/06/2012 06:42 PM IST

డాక్టర్ మోహన్ బాబుకు ప్రాణహానీ ఉందా? అంటే.. మాకు మాత్రం ఏం తెలుసు అనే రీతిలో ప్రజలు ఉన్నారు. అసలు ఆయనకు ఎవరి నుండి ప్రాణహానీ ఉంది? బాబు మోహన్ కు ప్రాణహనీ చేసే వారందరు ఎప్పుడు .. భూమిని వదిలి.. ఆకాశానికి చేరుకున్నారు. ఇప్పుడు కొత్తగా మెహన్ బాబు ప్రాణహనీ ఉందని అనటం చాలా విడ్డురంగా ఉందని ప్రజలు అంటున్నారు. సినీ నటుడుగా ఉన్నప్పుడు ఆయన విలన్. ఇప్పుడు మోహన్ బాబు ఎవరి మీద విలనిజం చూపించాడు? వారు ఎప్పుడు పగపట్టారు అనే విషయం మోహన్ బాబుకే తెలియాలి.

సినీ నటుడు, రాజ్యసభ మాజీ సభ్యుడు డాక్టర్ ఎం.మోహన్‌బాబుకు ప్రాణహాని ఉందా? లేదా? అనే విషయాన్ని తాజాగా విచారణ చేసి తేల్చాలని పోలీసులకు హైకోర్టు స్పష్టం చేసింది. ఈ విచారణలో ప్రాణహాని లేదని తేలితే, ఎటువంటి ముందస్తు సమాచారం లేకుండానే భద్రతను ఉపసంహరించుకునే స్వేచ్ఛ పోలీసులకుందని తేల్చిచెప్పింది.

ఈ నేపథ్యంలో అప్పటి వరకు ప్రస్తుతం మోహన్‌బాబుకున్న భద్రతను కొనసాగించాలని ఆదేశించింది. ఈ మేరకు న్యాయమూర్తి జస్టిస్ ఆర్.సుభాష్‌రెడ్డి ఇటీవల తీర్పు వెలువరించారు. తనకు భద్రతను ఉపసంహరించడాన్ని సవాలు చేస్తూ 2004లో మోహన్‌బాబు హైకోర్టులో పిటిషన్ వేశారు. దీనిని విచారించిన హైకోర్టు.. ఈ కేసులో తుది తీర్పు వెలువడే వరకూ మోహన్‌బాబుకు భద్రతను కొనసాగించాలని పోలీసుల్ని ఆదేశించింది. దీని పై ఇటీవల తుది తీర్పును వెలువరించిన న్యాయమూ ర్తి... మధ్యంతర ఉత్తర్వులు జారీ చేసి ఎనిమిదేళ్లు గడిచిన నేపథ్యంలో, మోహన్‌బాబుకు ప్రాణహాని ఉందా ? లేదా? అన్న విషయంపై తాజాగా విచారణ జరిపి నిర్ణయం తీసుకోవాలని పోలీసులనుదేశించారు.