Posted: 12/17/2011 04:13 PM IST

దర్శకుడు రాజమౌళి.... ఈయన పేరు సినిమా చూసే ప్రతి ప్రేక్షకుడికి గుర్తుంటుంది. టాలీవుడ్ దర్శక ధీరుడిగా పేరు తెచ్చకున్న రాజమౌళి ఇంత వరకు ఓటమి అంటూ ఎరగలేదు. ‘‘పుర్రెకో బుద్ధి’’ అన్నట్లుగా ఈయనకు ఓరకమైన బుద్ధి (బలహీనత) ఉంది. అదేంటంటే... కష్టపడే గుణం. అది ఉండబట్టే అనతి కాలంలో మంచి దర్శకుడిగా పేరు తెచ్చకున్నాడు.

దర్శకధీరుడు రాజమౌళి ఈ మధ్యన రాత్రి పగలు సెకండ్ సెటప్ తోనే ఉంటున్నాడని సమాచారం. అదేంటి మనోడికి ఈ బుద్ధి కూడా ఉందా అనేగా మీ సందేహం. సినిమా వాళ్ళు కదా సెకండ్ సెటప్ అనగానే మీరు వేరేవిధంగా అర్థం చేసుకొని ఉంటారు. కానీ మనోడు రాత్రిళ్ళు అక్కడే ఎంజాయ్ చేస్తున్నాడు కానీ ‘‘సెకండ్ సెటప్ అంటే’’ షూటింగ్ స్పాట్ అని సినిమా భాషలో అర్థం. తను తీస్తున్న సినిమా కోసం మనడు గత కొన్ని రోజులుగా ఇంటి మొహమే చూడలేదట. ఎందుకంటే షూటింగ్ ఎక్కువ రాత్రివేళల్లోనే జరుగుతుందట. అందుకోసం మనోడు ఇంటికే రావడంలేదట. ఈ సినిమాని రాజమౌళి ఒక హాలీవుడ్ సినిమా రేంజ్ లో తీస్తున్నాడని అందుకోసం చాలా కష్టపడుతున్నాడని అంటున్నారు. మరి రాజమౌళి ‘‘ఈగ’’ టాలీవుడ్ జనాలలోకి ఏవింధంగా జోరిపోతుందో చూడాలి.