Posted: 11/24/2011 01:15 PM IST

ఒక ఐడియా జీవితాన్ని మారుస్తుందనే వ్యాక్యం మనం విన్నాం, వింటున్నాం. మరి ఒక సినిమా రెండు రాష్ట్రాల మధ్య చిచ్చు పెడుతుందనేది ఇప్పటి వాక్యం, అదేంటంటే... కేరళ – తమిళనాడు మధ్య ఈ సినిమా చిచ్చుపెడుతుంది. సినిమా రెండు రాష్ట్రాల మధ్య చిచ్చుపెట్టడం ఏంటని అనుకుంటున్నారా ? అవును ?

‘ ఒక పాత ఆనకట్ట కూలిపోతే ఎటువంటి వినాశనం చోటుచేసుకుంటుందో చూపే హాలీవుడ్ చిత్రం ‘‘డ్యామ్ 999’’. ఈ సినిమానే కేరళ – తమిళనాడు రాష్ట్రాల మధ్య చిచ్చు పెడుతొంది. ఈ సినిమా తమిళనాడు – కేరళల మధ్య వివాదాస్పంగా మారిన ‘‘ముళ్ళపెరియార్’’ ఆధారంగా ఈ సినిమా తీశారంటూ డీఎంకె నేత కరుణానిధి అభ్యంతరం వ్యక్తం చేశారు. ఈ సినిమా ఆ ఆనకట్టపై తమిళనాడుకు ఉన్న 999 సంత్సరాల హక్కులను ప్రస్తావిస్తూనే ఈ సినిమాకి ఆ పేరు పెట్టారని అన్నారు.

అయితే దీని భధ్రతకు ముప్పు ఉందని ఆందోళనలు వ్యక్తం అవుతున్న నేపథ్యంలో కేరళ ప్రభుత్వం దాని స్థానంలో కొత్తది నిర్మించాలని కేరళ ప్రతిపాదిస్తే, అది రాష్ట్ర  ప్రయోజనాలను ప్రభావితం చేస్తుందనే ఉద్ధేశ్యంతో తమిళనాడు దీన్ని వ్యతిరేకిస్తుంది.
అయితే ఈ చిత్రాన్ని తీసిన దర్శకుడు మాత్రం భవిష్యత్తులో ఇలాంటివి జరిగితే ఎలా ఉంటుందో అవగాహన చేసుకోవడానికి ఈ సినిమా తీసామని చెబుతున్నారు. అయితే ఈ సినిమాని సామాజిక ప్రయోజనం కోసమే తీశాను. కాని దాన్ని రాజకీయ నాయకులు రాద్దాంతం చేస్తున్నారని అన్నారు. మరి ఈ నెల 25 విడుదల కావాల్సిన ఈ సినిమా పై ఏ నిర్ణయం వస్తుందో చూడాలి.