Posted: 11/24/2011 01:09 PM IST

తెలంగాణ పై ఏదో ఒకటి తేల్చాలని రాజ్యసభ సభ్యుడు ఎం.ఏ.ఖాన్. పార్లమెంట్ హాలులో సోనియాగాంధీని కలిసి విన్నవించారు. దాని పై కాంగ్రెస్ అధినేత్రి రాష్ట్రన్ని అతలాకుతలం చేస్తున్న తెలంగాణ అంశం పై తేల్చేశారు. అంటే తెలంగాణ ఇస్తానని మాత్రం కాదు. ’తెలంగాణ పై చర్చల ప్రకియ జరుగుతుందని, ఆ తర్వాత భాగస్వామ్య పక్షాలతో చర్చలు, తరువాత జాతీయ పార్టీలతో చర్చలు జరిగిపిన తరువాతనే నిర్ణయం ఉంటుందని సోనియాగాంధీ తేల్చిచెప్పారు.

అయితే చర్చల పక్రియ పూర్తయిన తరువాతనే నిర్ణయం అంటున్న సోనియా తెలంగాణ పై మాత్రం కాసింత ప్రేమ కురిపించారు. తెలంగాణ వచ్చే వరకు మాత్రం అక్కడ అభివ్రద్ధి ఆగదని దాని పైనే ప్రత్యేకంగా శ్రద్ధ పెడతామని అన్నారు. మరి తెలంగాణ పై సోనియా నిర్ణయం వస్తేనే లెక్కలోకి తీసుకుంటామని చెప్పిన కాంగ్రెస్ నేతలు, మరి ఇప్పుడు సోనియాగాంధీనే తెలంగాణ పై తేల్చేది లేదని చెప్పకనే చెప్పింది.
మరి ఇప్పుడు కాంగ్రెస్ ఎం.పీలు తన నియోజక వర్గాలకు ఏ మొహం పెట్టుకొని వెళ్తారరని, దీనికి కాంగ్రెస్ వారు ఏం సమాధానం చెబుతారోనని ప్రజలు అనుకుంటున్నారు.