Posted: 11/23/2011 05:16 PM IST

రాష్ట్ర హైకోర్టు చీఫ్ జస్టిస్ గా గత నెలలో పదవి విరమణ పొందిన  నిస్సార్ హమ్మద్ కక్రూ మానవ హక్కుల రెండవ  కమీషనర్ గా ఏక గ్రీవంగా ఎన్నికయ్యారు. ఈయన పేరును రాష్ట్ర ప్రభుత్వం తరుపున సీఎం కిరణ్ కుమార్ రెడ్డి గవర్నర్ కు ప్రతిపాదించారు. దీనికి ప్రతిపక్ష నేత చంద్రబాబు నాయుడు కూడా మద్దతు ప్రకటించారు. కక్రూ మైనారిటీ వర్గానికి చెందిన వాడు కాబట్టే మద్దతు ఇచ్చామని చంద్రబాబు అన్నారు. దీనికి సంబంధించి ఒకటి, రెండు రోజుల్లో అధికారిక ప్రకటన వెలువడనుంది.

మానవ హక్కుల కమీషన్ తొలి ఛైర్మెన్ సుభాషణ్ రెడ్డి పదవి విరమణ పొందారు. తరువాత ఈ కుర్చీలో ఎవరిని కూర్చోబెట్టలేదు. ఇన్నిరోజులు తెలుగు వారు లేరనే కారణంతో ఈ నియామకాన్ని నిలిపి వేసిన ప్రభత్వం ఇప్పుడు మాత్రం కాశ్మీరుకు చెందిన మైనారీటి వర్గానికి చెందిన కక్రూని నియమించింది. మరి మైనారీటీ వర్గానికి చెందిన కక్రూని ఎందుకు నియమించిందనే అనుమానాలు చాలా మందిలో కలుగుతున్నాయి.

ఆయన 2010లో ఆంధ్రప్రదేశ్ చీఫ్ జస్టిస్ గా నియమితులయ్యినప్పుడు కూడా జగన్ విషయంలో చాలా ధైర్యంగా నిర్ణయం తీసుకున్నాడు. అలాగే ఇతను మన రాష్ట్ర వ్యవహారాల ఇంఛార్జీ గులాం నబీ ఆజాద్ కి చాలా సన్నితుడు కూడా అని చెప్పుకుంటున్నారు. ఈ కారణాల వలనే ఈ పదవి వచ్చిండచ్చని అనుకుంటున్నారు.

కాశ్మీర్ లోని బారాముల్లాలో 1949 అక్టోబర్ 26న జన్మించిన కక్రూ... న్యాయవాద విద్య అనంతరం స్వరాష్ట్రంలో వకీలుగా పనిచేశారు. అప్పటి నుండే కక్రూ చాలా సాహాసోపేత నిర్ణయాలు తీసుకునేవాడు. ఏది ఏమైనా కక్రూ మన రాష్ట్రానికి వచ్చినప్పుడు మాత్రం మంచి పదవులు పొందుతున్నాడు. భవిష్యత్తులో ‘జాతీయ మైనారిటీ హక్కుల’’ కమీషనర్ గా ఎదిగినా ఆశ్చర్యపోవనవరం లేదు.