Posted: 11/23/2011 05:06 PM IST

ఆంధ్ర ప్రదేశ్ లో ఈ మధ్య కాలంలో ఎవరు ముఖ్యమంత్రి బాధ్యతలు చేపట్టిన వారికి సంబంధించిన వారిని తనకు కుడి భజంగా ఉంచుకుంటూ తెర వెనుక రాజకీయాలను సెటిల్ మెంట్లను నడిపిస్తున్నారు. తాజాగా ఈ జాబితాలోకి సంవత్సరం క్రితం ముఖ్యమంత్రి బాధ్యతలు చేపట్టిన కిరణ్ కుమార్ రెడ్డి కూడా చేరాడు.
గతంలో ముఖ్యమంత్రిగా బాధ్యతలు చేపట్టిన వైయస్ రాజశేఖర్ రెడ్డి తనకు అనుంగ మిత్రుడైన కేవీపీ, జగన్ లను తన తెర వెనుక వ్యహారాలను నడించుటకు ఉపయోగించుకున్నారు. అప్పుడు వారు ఆంధ్రలో పవర్ సెంటర్ గా ఎదిగారు. వైయస్ఆర్ మరణించిన తరువాత ఆపధర్మ ముఖ్యమంత్రిగా పదవీ బాధ్యతలు చేపట్టిన రోశయ్య కూడా తను పదవిలో ఉన్నంతకాలం తనకు కుడి భుజంగా తన మనవడిని ఉంచుకున్నాడు. ఆయన పదవిలో ఉన్నంత కాలం ఏమైనా పనులు కావాలంటే ఆయనే చూసుకునే వారు. అప్పుడు ఆయన మనవడు కొన్ని రోజులు చక్రం తిప్పాడు.
తాజాగా ముఖ్యమంత్రి పదవిలో కిరణ్ కుమార్ రెడ్డికి కూడా రైట్ హ్యాండ్ గా సంతోష్ రెడ్డి ఉన్నాడని అనుకుంటున్నారు. ఈ సంతోష్ రెడ్డి ఎవరయ్యా అంటే స్వయానా కిరణ్ కుమార్ రెడ్డికి తమ్ముడు. కిరణ్ కుమార్ రెడ్డికి ఇద్దరు తమ్ముళ్ళు. ఒకరు తిరుపతిలో కార్యకలాపాలు చూసుకుంటుంటే... రెండో వారు అయిన సంతోష్ రెడ్డి కిరణ్ వెనకాల వ్యవహారాలన్నింటిని చక్కబెతున్నాడట.
సంతోష్ రెడ్డి మొన్న జరిగిన కడప ఉప ఎన్నికప్పుడు కిరణ్ కుమార్ రెడ్డికి అండగా ఉంటూ, అక్కడి పరిస్థితులను ఎప్పటికప్పుడు అన్నయ్యకు తెలియజేస్తూ, ఓటర్ల నాడిని తెలుసుకుంటూ డబ్బులు పంచడంలో కీలక పాత్ర పోషించాడని అంటున్నారు. తాజాగా జగన్ వర్గానికి సంబంధించిన ఎమ్మెల్యేల విషయంలో సంతోష్ రెడ్డి కీలక భూమిక పోషిస్తున్నాడని, వారిని తిరిగి కాంగ్రెస్ లోకి తెప్పించడానికి గట్టి ప్రయత్నాలే చేస్తున్నాడని, వారితో మాట్లాడుతూ, వారికి ఏం కోవాలో అది సమకూర్చుతున్నాడని, అదే కాక ఏమైనా విషయాలు ఉంటే అవి కూడా తనే చూసుకుంటున్నాడని, ఇప్పుడు ఆంధ్రాలో ఏపని కావాలన్న కిరణ్ కూడా సంతోష్ రెడ్డి దగ్గరికే వెళ్ళమంటున్నాడని, ఇప్పుడు కిరణ్ తమ్ముడు సంతోష్ రెడ్డి ఆంధ్రాలో వపర్ సెంటర్ గా ఎదుగుతున్నాడని అనుకుంటున్నారు.