జగన్ సభ సక్సెస్- సీఎం హ్యాపి

Posted: 10/26/2013 07:26 PM IST

వైఎస్ కాంగ్రెస్ పార్టీ వైఎస్ జగన్మోహన్ రెడ్డి హైదరాబాద్ లో తలపెట్టిన సమైక్య శంఖారవం సక్సెస్ అవ్వటంతో.. సమైక్య వాదుల్లో కొత్త ఉత్సహం కనిపిస్తుందని తెలంగాణ కాంగ్రెస్ నాయకులు అంటున్నారు. ఇప్పటి వరకు సమైక్య ముఖ్యమంత్రిగా పేరు తెచ్చుకున్న నల్లారి కిరణ్ కుమార్ రెడ్డి.. చాలా ఆనందంగా ఉన్నట్లు తెలంగాణ కాంగ్రెస్ నాయకులు గాంధీ భవన్ లో గుసగుసలాడుకుంటున్నారు.

 

అసలే హైకమాండ్ తో.. సమైక్యాంద్ర కోసం పోరు చేస్తూ, సమైక్య వాదిగా సిఎం కిరణ్ ముద్రపడ్డారు. ఒంటరిగా పోరాటం చేస్తున్న ముఖ్యమంత్రికి .. జగన్ సమైక్య శంఖారావంతో.. కొత్త ఊపిరి వచ్చినట్లుగా ఉందని తెలంగాణ వాదులు అంటున్నారు. జగన్ సమైక్య శంఖారావం సక్సెస్ అవ్వటానికి కారణం కూడా రాష్ట్ర ముఖ్యమంత్రి కిరణ్ కుమార్ రెడ్డే అని తెలంగాణ కాంగ్రెస్ నాయకలు చాటు మాటుగా చెవులుకోరుకుంటున్నారు.

 

గడిచిన మూడు సంవత్సరాల్లో ముఖ్యమంత్రి నల్లారి కిరణ్ కుమార్ రెడ్డి ఎప్పుడు ఇంత ఆనందంగా లేరని సమైక్య వాదులు అంటున్నారు. జగన్ సభ సక్సెస్ కావటంతో.. రాష్ట్ర విభజనను అడ్డుకోవటం చాలా సులభవం అవుతుందనే ఉద్దేశంతో సీఎం హ్యాపిగా ఉన్నారని తెలంగాణ కాంగ్రెస్ నాయకులు అంటున్నారు. ఏమైన సమైక్యాంద్ర కోసం హైదరాబాద్ లో జరిగిన ఏపీ ఎన్జీవోల సభ, ఇప్పుడు జగన్ సమైక్య శంఖారావం సభ సక్సెస్ కావటంతో .. సమైక్య వాదులు, సీమాంద్ర నాయకులు ఆనందంగా ఉందని చెప్పకుంటూ.. సభకు హాజరైన కార్యకర్తలు చెప్పుకుంటూ.. హైదరాబాద్ ను విడిచి వెళ్లిపోవటం జరిగింది.