జగన్ కే ఎదురుతిరిగిన..?

Posted: 10/11/2013 11:39 AM IST

జగన్ ను అందరు మొండోడు అని అంటారు. అలాంటి మొండివాడికే ఎదురుతిరిగిన జగమొండి దీక్షలు ఉన్నాయి. జగన్ ఎన్నీసార్లు దీక్షలు చేసిన వాటి ముందు ఓడిపోవటమే జరుగుతుంది. ‘‘ కాలం కలిసి రాకపోతే.. చేతి కర్ర పామై కరుస్తుందనే సామెత’’ గుర్తుకు వస్తుంది. అతి తక్కువ కాలం ఎక్కువ ప్రజా బలం సంపాదించుకున్న వ్యక్తి వైఎస్ జగన్మోహన్ రెడ్డి. 16 నెలల పాటు జగన్ శ్రీక్రిష్ణ జన్మస్థలంలో ఉన్నప్పటికి.. ఆయన ప్రజాదారణ తగ్గలేదు. జగన్ కు అన్నీ అనుకూలంగా కలిసి వస్తున్నాయి. కానీ జగన్ మొదటి నుంచి కలిసి రాని ఒక్కటే. దివంగత నేత వైఎస్ రాజశేఖర్ రెడ్డికి పాదయాత్ర కలిసి వచ్చిన విషయం అందరికి తెలిసిందే. కానీ జగన్ కు మాత్రం సుధీర్ఘ యాత్రలు, దీక్షలు పార్టీ ప్రతిష్టను పెంచలేకపోతున్నాయనే విమర్శలు పార్టీలో బలంగా వినిపిస్తున్నాయి. జగన్ కు కాలం కలిసి రావట్లేదని పార్టీలోని సీనియర్ నాయకులు వాపోతున్నారు. రాష్ట్ర విభజనను అందరికంటే ముందే తెలుసుకున్న జగన్‌..ఎమ్మెల్యేలందరితో రాజీనామా చేయించటం జరిగిందని ఆ పార్టీ వర్గాలు అంటున్నాయి. రాజీనామీలతో జగన్ పార్టీ సమైక్య పార్టీ అని భావన కలిగించారు.

 

కానీ ఎందుకో ఏమో రాజీనామాస్త్రాలతో పార్టీకి రావాల్సినంత మైలేజ్‌ రాలేదని ఇప్పుడు అందరు బాధపడుతున్నారు. ఈలోపు జైలు నుంచి విడుదలైన జగన్‌....మైండ్‌ గేమ్‌కు పదునుపెట్టారు. లోకల్‌గా కేడర్‌ను పటిష్టపరిచేందుకు.....నెలరోజులు నిరసనల కార్యాచరణ ప్రకటించారు. ఆ తర్వాత ఆపై తానే స్వయంగా దీక్షకు దిగారు. అయితే ఇవేవి పార్టీకి తీసుకురావాల్సినంత మైలేజ్‌ తీసుకురాలేదనేది పార్టీ నేతల అభిప్రాయపడుతున్నట్లు తెలుస్తోంది. ఇటు ఎపి ఎన్జీవోలతో పాటు సమైక్యాంధ్ర కోరుకునే వారంతా తమతో కలిసి వస్తారని జగన్‌ పార్టీ ఆశించింది. అయితే సమన్యాయం పేరిట చేసిన వాదనలో డొల్లతనం...ప్రకటనల్లో క్లారిటీ లేకపోవడంతో ఉద్యోగులతో పాటు ఇతర సంఘాలు మద్దతివ్వలేకపోయాయి.

 

దీంతో సీన్‌ రివర్స్ అయిందని గ్రహించిన ఫ్యాన్‌ ఫార్టీ..కొత్త ఎత్తుగడతో తెరపైకి తెచ్చింది. హైదరాబాద్‌లో 19న నిర్వహించే సభతో పార్టీలో పునరుత్తేజం తీసుకొచ్చేందుకు ప్లాన్‌లు గీస్తోంది. పార్టీ గత వైభవానికి రాజధాని సభపైనే ఆశలు పెట్టుకుంది. రాజకీయపరమైన సమస్యలన్ని జగన్‌ దీక్షకు అడ్డంకిగా మారడం ఒక భాగమైతే..దీక్ష తొలి రోజు పుత్తూరు లో టెర్రరిస్ట్ ల కలకలం...చివరి రోజు నటుడు శ్రీహరి మరణంతో మీడియాలో ఆశించిన ప్రచారం దొరకలేదని పార్టీ నేతలు వాపోతున్నారు. ఇలా జగన్ చేసే దీక్షలు , యాత్ర లకు కలిసి రావటంలేదని పార్టీ వర్గాలు బాధపడుతున్నాయి. ఈ సారి జగన్ ఏమైండ్ గేమ్ తో ప్రజల్లోకి వెళ్లతారో చూడాలి.