సమైక్యానికి దూరంగా బాలయ్య అల్లుడు?

Posted: 09/02/2013 05:45 PM IST

తెలుగుదేశం పార్టీలోకి యువకులు రావాలని, పార్టీకి యువ రక్తం కావాలని పిలుపునిచ్చిన బాలయ్య పెద్ద అల్లుడు నారా లోకేష్ బాబు ఇప్పుడు సమైక్యానికి దూరంగా ఉన్నాడు. రాజకీయ పార్టీల మీద, రాజకీయ నాయకుల మీద ట్విట్టర్ ద్వారా ఘాటైన కామెంట్స్ చేసి ట్విట్టర్ బాబుగా గుర్తింపు తెచ్చుకున్న లోకేష్ బాబు ఈ మద్య కాలంలో పార్టీ కార్యక్రమాలకు చాలా దూరంగా ఉంటున్నట్లు పార్టీ వర్గాలు అంటున్నాయి. రాష్ట్ర విభజన పై ఇప్పటి వరకు లోకేస్ బాబు ఒక్క కామెంట్ చెయ్యకపోవటంతో పార్టీలోని నాయకులకు అనేక అనుమానాలు రేకేత్తున్నాయి.. లోకేస్ బాబును కావాలనే పార్టీ దూరంగా పెట్టినట్లు పార్టీ కార్యకర్తలు అంటున్నారు. ఇటీవల కాలంలో లోకేష్ పెంచిన దూకుడు వలన నారా కుటుంబం, నందమూరి కుటుంబం మద్య పెరిగిన అగాధం గురించి అందరికి తెలిసిన విషయమే. బాలయ్య అల్లుడు పై నందమూరి హరిక్రిష్ణ, జూనియర్ ఎన్టీఆర్, పురందేశ్వరి దంపతులు ద్వేషంగా ఉన్నట్లు పార్టీలోని సీనియర్ నాయకులు గుసగుసలాడుకుంటున్నారు. అంతేకాకుండా గతంలో..స్టూడియ్ ఎన్ బాధ్యతలను లోకేష్ చూసిన విషయం తెలిసిందే. జూనియర్ ఎన్టీఆర్ పెళ్లి తరువాత పరిస్థితి మొత్తం పూర్తిగా మారిపోయింది. నిన్నటి వరకు టిడిపిలో ఏ నాయకుడు తుమ్మినా, దగ్గినా, దానిపై స్టూడియ్ ఎన్ టీవీలో ఒక ఎపిసోడ్ తప్పనిసరిగా వచ్చేది. కానీ రానురాను అది కాస్తా తగ్గిపోయి, జూనియర్ ఎన్టీఆర్ గురించి, పెద్ద ఎన్టీఆర్ గురించి, పురందేశ్వరి దంపతులు గురించి గంటల తరబడి కార్యక్రమాలు రావటంతో..బాలయ్య అల్లుడు తప్పకోవటం జరిగింది. అయితే అప్పటి నుండి ట్విట్టర్ మీద ఆధారపడి.. రాజకీయ నాయకుల మీద ఘాటైన కామెంట్స్ చేసిన విషయం తెలిసిందే. అయితే టిడిపి యువ నాయకుడుగా ఎదుగుతున్న తరుణంలో సమైక్యాంద్ర ఉద్యమానికి దూరంగా లోకేష్ ఉండటంపై సీమాంద్ర ప్రజలు మండిపడుతున్నారని, పార్టీలోని సీనియర్ నాయకులు అంటున్నారు. చంద్రబాబు చేస్తున్న ఆత్మగౌరవ యాత్రలో బాలయ్య, లోకేష్ బాబు కనిపిస్తారో లేదో చూడాలి.