ఆగవయ్యా....అంబటి?

Posted: 08/26/2013 02:48 PM IST

వైఎస్ఆర్ కాంగ్రెస్ పార్టీ సినీయర్ నాయకుడు అంబటి రాంబాబు పై తెలుగుదేశం పార్టీ సీనియర్ మహిళ నాయకురాలు నన్నెపనేని రాజకుమారి మండిపడ్డారు. రీసెంట్ ఒక చర్చ వేదికలో పాల్గొన్న ఈ ఇద్దరు మద్య ఆసక్తికరమైన సన్నివేశాలు జరిగినట్లు మీడియా వర్గాలు అంటున్నాయి. రాష్ట్ర విభజనపై జరిగిన చర్చ వేదికలో అంబటి అరుపులు చాలా బలంగా వినిపించారు. అయితే రాజకుమారి మాటలకు అనేకసార్లు అడ్డుతగులుతూ, హేళనగా, హస్యపదంగా అంబటి మాట్లాడటంతో.. రాజకుమారికి కోపం కట్టలు తెంచుకొని వచ్చింది. రాష్ట్ర విభజన పై రాజకుమారి తెలుగు ప్రజలు పడుతున్న ఇబ్బందులు గురించి మాట్లాడుతున్న సమయంలో అంబటి రాంబాబు వెటకారంగా మాడటంతో.. ఆగవయ్య అంబటి .. నీ చరిత్ర ఎవ్వరికి తెలియదు చెప్పు? అంటూ ఆవేశంగా మాట్లాడటంతో అంబటి ఒక్కసారిగా షాక్ తిన్నారు. చర్చవేదిక మీద ఉన్న పెద్దలు కూడా అంబటి పై మండిపడినట్లు తెలుస్తోంది. జైల్లో జగన్ దీక్ష ఎందుకు కోసం చేస్తున్నారో అందరికి తెలుసునని, ఇకనైన ఈ దొంగదీక్షలు, కొంగజపం లాంటి నాటకాలు పక్కన పెట్టి, ప్రజలకు ఉపయోగపడే పనులు చెయ్యమని అంబటికి రాజకుమారి సూచించినట్లు సమాచారం.