జానా బెదిరింపు

Posted: 06/24/2013 08:11 PM IST

తెలంగాణ కాంగ్రెస్ ఎమ్మెల్యేలకు మంత్రి జానా రెడ్డి నుండి బెదిరింపులు, వార్నింగ్స్ వస్తున్నాయాని కాంగ్రెస్ నాయకులు అంటున్నారు. తెలంగాణకు ప్యత్యేక రాష్ట్రం తప్ప మరో ప్రత్యామ్నాయం లేదనిఅంటూ.. అందరు నాయకులతో 30న బహిరంగ సభ పెట్టి ఘనంగా తమ వాణి వినిపించాలని అనుకుంటున్న జానారెడ్డి, అందుకు సంతకాల సేకరణ అనే పేరుతో తెలంగాణకు జై అన్న కాంగ్రెస్ ఎమ్మెల్యేలందరి దగ్గర సంతకాలు సేకరిస్తున్నారు. అయితే ఇక్కడే కొత్త వివాదం తెరపైకి వచ్చింది. కొంతమంది జానారెడ్డి చేస్తున్న సంతకాల సేకరణకు వ్యతిరేకంగా మాట్లాడి, సంతకాలు పెట్టడం కుదరదని జానారెడ్డి ముఖం మీదే చెప్పటం జరిగింది. జానారెడ్డి రాజకీయం తెలిసిన వారే ఆయనకు ఎదురుతిరగడంతో.. జానారెడ్డి ముఖం వాచిపోయింది. అదే సమయంలో జానా రెడ్డి మరో ప్లాన్ తో వారి ప్రయోగించినట్లు తెలుస్తోంది. మీరు సంతకాలు చెయ్యకపోతే.. ఈ నెల 30న జరిగే బహిరంగ సభలో .. మీ పేర్లు ప్రకటిస్తానని వారి ఒత్తిడి పెంచి, సంతకాలు పెట్టిచుకోవటానికి ప్రయత్నాలు చేస్తున్నారు. జానా రెడ్డి చేస్తూన్న బెదిరింపులతో కొంత మంది నాయకులు దిగి వచ్చి సంతకాలు చేస్తున్నట్లు జానారెడ్డి సన్నిహిత వర్గాలు అంటున్నాయి. బహిరంగ సభలో మీరు పేర్లు బయటపెడతాను అని బెదిరించడంతో.. తెలంగాణకు వ్యతిరేకులు అనే ముద్రపడుతుందనే ఉద్దేశంతో సంతకాలు చేసినట్లు తెలంగాణ కాంగ్రెస్ నాయకులు అంటున్నారు. అయితే ముఖేష్ గౌడ్, దానం నాగేంద్ర మాత్రం జానా రెడ్డి బెదింపులకు, వార్నింగులకు భయపడేది లేదని ఖచ్చితంగా చెప్పినట్లు సమాచారం.