ఆ కేంద్ర మంతి వల్ల నా పై సీబీఐ సోదాలు?

Posted: 06/11/2013 04:10 PM IST

ప్రముఖ దర్శకుడు మాజీ కేంద్ర మంత్రి దాసరి నారాయణరావు ఈ రోజు ఆయన ఇంటి పై సిబిఐ దాడులు జరగటానికి కారణం ఉందని అంటున్నారు. ఈ సిబిఐ దాడుల వెనుక కేంద్రమంత్రి హస్తం ఉందని దాసరి నారాయణరావు తన సన్నిహితులతో చెప్పినట్లు సమాచారం. బొగ్గు కుంభకోణంలో కావాలని నన్ను ఇరికిస్తారని దాసరి నారాయణరావు వాపోతున్నారని ఫిలింనగర్ ప్రజలు అంటున్నారు. కేంద్ర మంత్రి ఆద్వర్యంలోనే నా ఇంటిపై, నా ఆస్తులపై సిబిఐ దాడులు చెయ్యటం జరుగుతందని దాసరి చెబుతున్నాట్లు ఫిలింనగర్ సమాచారం. అయితే ఇంతకీ ఆ కేంద్ర మంత్రి ఎవరు? అంటే మాత్రం దాసరి పేరు చెప్పటం లేదు...గానీ ఆయన మాటలను బట్టి ఆ కేంద్ర మంత్రి ఎవరు అనేది అక్కడున్న వారికి అర్థమైనట్లు ఫిలింనగర్ ప్రజలు చెప్పుకుంటున్నారు. ఆ కేంద్ర మంత్రి కూడా వెండితెరపై ఒక వెలుగు వెలిగిన వ్యక్తిగా దాసరి చెప్పటం జరిగింది. ఇటీవల కాలంలో దాసరి కాంగ్రెస్ పార్టీ కి కొంచెం దూరంగా ఉంటున్న విషయం తెలిసిందే. కాంగ్రెస్ పార్టీ నాయకులే నా పై ఇలా కుట్ర తో ఈ కుంభకోణంలో ఇరికిస్తున్నారని దాసరి తన మిత్రుల వద్ద చెప్పుకోని బాధపడుతున్నట్లు ఫిలింనగర్ సర్కిల్ సమాచారం. ఇంతకీ ఆ కేంద్ర మంత్రి ఎవరు అనేది ఈ పాటికి మీకే తెలిసిపోయి ఉంటుంది?