పవన్ గారు... ఈ పుకార్లు నిజమేనా?

Posted: 05/24/2013 08:50 PM IST

టాలీవుడ్ పవర్ స్టార్ పవన్ కళ్యాణ్ పై ముఖ్యంగా రెండు పుకార్లు మీడియాలో హల్ చల్ చేస్తున్నాయి. అతని వ్యక్తిగత జీవితం పై ఈ రెండు పుకార్లు షికార్లు చేయటం పై మెగా అభిమానులు కలవరపడుతున్నారు. కొన్ని వెబ్ సైట్ లు మెగా ఫ్యామిలపై పని కట్టుకొని లేని పుకార్లు రాస్తున్నాయాని మెగా అభిమానులు అంటున్నారు. గత రెండు నెలలుగా మీడియాలో మెగా కుటుంబం గురించి ఏదో ఒక న్యూస్ వస్తునే ఉందని అంటున్నారు. మొన్న రామ్ చరణ్ పై వచ్చిన కారు వివాదం, నిన్న చిరంజీవి ఇంటి పై ఓయు విద్యార్థులు దాడి, చిరంజీవి అవినీతికి పాల్పాడినట్లు , వెంటనే మంత్రి చిరంజీవి రాజీనామా చెయ్యాలని వారు డిమాండ్ చెయ్యటం జరుగుతుంది. అయితే పవర్ స్టార్ కళ్యాణ్ మీద సరికొత్త పుకార్లు హల్ చల్ చేస్తున్నాయి.

పవన్ కళ్యాణ్ తన భార్య కోసం ఆస్తులు అమ్ముకుంటున్నారని, ఆర్థికంగా దెబ్బతిన్న పవన్ కళ్యాణ్, ఆస్తులు అమ్ముకుంటున్నారని, అన్నయ్య పార్టీ వల్ల పవన్ కళ్యాణ్ చాలా నష్టపోయాడని, అందుకే ఆస్తులు అమ్ముతున్నట్లు నెట్ పుకార్లు షికారు చేస్తున్నాయి. అంతేకాకుండా.. ఈరోజు పవన్ కళ్యాణ్ త్వరలో రాజకీయ ప్రవేశం చేస్తున్నాడంటూ .. ఒక సైట్ మెయిన్ ఆర్టికల్ రాయటం జరిగింది. అంతేకాకుండా మెగా స్టార్ చిరంజీవి (అన్నయ్య) మీద పగతోనే రాజకీయ ప్రవేశం చేస్తున్నాడని, అందుకు నాగబాబు కూడా పుల్ సపోర్టు ఇచ్చినట్లు ఆ సైటు రాయటం జరిగింది.

అసలు విషయం ఏమిటంటే.. పవన్ కళ్యాణ్ రాజకీయ ప్రవేశం చెయ్యబోతున్న రాజకీయ పార్టీ ఏదో తెలుసా? తెలుగుదేశం పార్టీనట, ముందే చంద్రబాబు నాయుడుతో, పవన్ కళ్యాణ్ , నాగబాబు మంతనాలు జరిపి, రాబోయో ఎన్నికల్లో పవన్ కళ్యాణ్ మంచిలీ పట్నం సీటు చంద్రబాబు ను అడిగితే, ఆయన ఆనందంగా పవన్ కళ్యాణ్ మాట ఇవ్వటం జరిగిందనే పుకార్లు ఫిలింనగర్లో షికార్లు చేస్తున్నాయి. కేవలం రాజకీయంగా అన్నయ్య ను దెబ్బతీయ్యటానికే పవన్ రాజకీయ ప్రవేశం చేస్తున్నాట్లు విమర్శలు వినిపిస్తున్నాయి.

రీసెంట్ అన్నయ్యకు మామిడి పళ్లు ఇచ్చి, అన్నదమ్ముల అనుబంధం గురించి సాటి చెప్పిన నోళ్లే ఈ రోజు ఇలా పుకార్లు పుట్టించయాని మెగా అభిమానులు అంటున్నారు. ఏమైన ఈ రెండు పుకార్లు నిజమో, లేక ఎయిర్ పుకార్లో తెలియాక మెగా అభిమానులు ఆందోళన పడుతున్నారు. ఈ పుకార్లు పై పవన్ కళ్యాణ్ స్వయంగా మాట్లాడితే గానీ నిజాలు బయటకు వస్తాయాని మెగా అభిమానులు అంటున్నారు. ఇలా పుకార్లు పుట్టించే వారి పై కఠిన చర్యలు తీసుకోవాలని మెగా అభిమానులు డిమాండ్ చేస్తున్నారు.