నగరంలో చలివేంద్ర రాజకీయాలు?

Posted: 05/24/2013 08:27 PM IST

సార్వత్రిక ఎన్నికలకు 12నెలల సమయం ఉన్న విషయం తెలిసిందే. అయితే రాజకీయ నాయకుల్లో అప్పుడే ఎన్నికల ఫివర్ మొదలైంది. అన్నీ రాజకీయ పార్టీలకు వచ్చిన అవకాశాలను సద్వినియోగం చేసుకుంటున్నాయి. రాష్ట్రంలో వడ దెబ్బకు అనేక మంది చనిపోతున్నా విషయం తెలిసిందే. అయితే వడ దెబ్బ రాజకీయ నాయకులకు బాగా కలిసి వచ్చింది. నగరంలో అనేక చోట్లు చలివేంద్రాలు ఏర్పాటు చేయటం జరిగింది. అయితే చలివేంద్రంలో మంచి నీళ్ల సంగతి ఎలా ఉన్నా..? ఆయా చలివేంద్రాలపై రాజకీయ నాయకుల ఫోటోలు, పార్టీ గుర్తులు, దర్శనమిస్తున్నాయి. సమాజ సేవా పేరుతో కూడా రాజకీయ నాయకులు ఇలా ఎన్నికల ప్రచారం చేసుకుంటున్నారని, దప్పిక తీర్చుకోవటానికి వచ్చిన సామాన్య ప్రజలు అంటున్నారు.

అన్నీ రాజకీయ పార్టీలు ఇలా సమ్మర్ చలివేంద్రాలు ఏర్పాటు చేసి, ముందుగా ఎన్నికల ప్రచారం చేసుకుంటున్నాయి. అయితే దాహం వేసిన వ్యక్తి, దాహం తీర్చుకోవటానికే చలివేంద్రానికి వస్తారు గానీ, మా పార్టీ నాయకుడు, మా పార్టీ, అని ఎవరైన వచ్చి దాహం తీర్చుకుంటారా, అని సామాన్య ప్రజలు అంటున్నారు. చలివేంద్రంలో పని చేసేవారికి ఆ పార్టీ నాయకుడికి, ఆ పార్టీకి ఎలాంటి సంబంధం ఉండదని ప్రజలు చెబుతున్నారు. కానీ వారి బ్రతుకు జీవనంలో.. కొన్ని రోజులు, సమ్మర్ చలివేంద్రాల వలన పని దొరుకుతుంది, కొంచెం డబ్బులు సంపాదించుకోవటం జరుగుతుందని పేద ప్రజలు అంటున్నారు.

సమాజ సేవా పేరుతో ఆ పార్టీ నాయకులు గానీ, కార్యకర్తలుగానీ వాలెంటరీలుగా మారి ప్రజలకు సేవా చెయ్యటంలేదని సినీయర్ సిటిజన్స్ అంటున్నారు. రాజకీయ నాయకుల స్వార్థంతోనే ఇలాంటి చలివేంద్రాలు పెడుతున్నారు గానీ, మనస్పూర్తిగా ప్రజలకు సేవా చేసే నాయకులు, కార్యకర్తలు, రాజకీయ పార్టీలు, లేరని నగర ప్రజలు అంటున్నారు. మంచినీళ్ల పేరుతో రాజకీయ నాయకులు ఎన్నికల ప్రచారం చేసుకోవటం చాలా దారుణమని.. సంఘ సేవా సభ్యులు అంటున్నారు.

ఆ చలివేంద్రానికి అయ్యే ఖర్చును, ఆయా రాజకీయ నాయకులు భరిస్తున్నారు కాబట్టి వారు ఫోటోలు, పార్టీ గుర్తులు వేసుకోవటం తప్పులేదని వాదించే మహా మనుషులు కూడా ఉన్నారు. ఏ రాజకీయ నాయకుడైతేనేం , ఏ పార్టీ అయితేనేం.. సమ్మర్ కాలంలో కొంత మందికి ఉపాది, ప్రజలకు మంచినీళ్లు అందిస్తున్నారు అదిచాలు. అని సర్థుకుపోయే పుణ్యమూర్తులు కూడా ఉన్నారు. ఏమైన ఈ చలివేంద్ర సేవా వలన ఎవరు నష్టపోతున్నారో, ఎవరు లాభపడుతున్నారో అంత ఆ పేరుమళ్లకే తెలియాలి.