Posted: 03/19/2013 08:30 PM IST

ఒక వైపు మన తెలుగు సినిమాల పురోగతి, స్టార్ హీరోల విజయం చూసి ఆనందపడాలో, మరో వైపు అభిమానులను చూసి బాధ పడాలో అర్ధం కావడం లేదు ... స్టార్ హీరోల సినిమా ఆడియో దగ్గరి నుండి సినిమా రిలీజ్ వేడుకలు సక్సెస్ మీట్లు ఇలా ప్రతీ వేడుకలో, ఈ హీరోల అభిమానులు తండోపతండాలుగా మనకు కనిపిస్తుంటారు ... వీరి అభిమాన హీరో స్టేజ్ మీదకు వస్తే చాలు, చలరేగిపోయి ఆనందం తో కేకలు వేస్తూ - అరుస్తూ ఒక విధంగా ఈ వేడుకలు విజయవంతంగా జరుగడానికి ఈ అభిమానులే కారణం ... అయితే ఈ మధ్యనే 'బాద్షా' ఆడియో వేడుకలో జరిగిన అపశ్రుతి, తొక్కిసలాటలో హీరో అభిమాని చనిపోవడం తో, ఎన్నో కధనాలు బయటకు వచ్చాయి .

ఇందులో భాగం గానే ఒకానొక స్టార్ హీరో అభిమాన సంఘం నిర్వహణ కర్త ఈ విధంగా చెప్పుకొచ్చారు 'అసలు తప్పంతా నిర్మాతల దే ... తాము నిర్వహించే వేడుకలు విజయవంతం అవ్వడానికి ఈ నిర్మాతలు మమ్మల్ని ఒక్కొక్క ప్రదేశం నుండి 500 వరకు అభిమానులని తీసుకురమ్మని చెప్తారు కాని చివరి నిమిషం లో మాత్రం ఏ 60 పాసులో ఇస్తారు ... ఇంత దూరం అభిమానులని తీసుకొచ్చిన తరువాత ఇక వీరిని ఆప తరమా??? అందుకే, సదరు నిర్మాతలు జాగ్రత్తగా ఉండాలి ' అని అన్నారు .

మరిక ఇందులో నిజానిజాలు ఏ పాటివో తెలిసి రావలసి ఉంది