Posted: 03/14/2013 07:15 PM IST

వెండి తెర మీదే కాదు .. నిజ జీవితంలో కూడా వీరిది ఒకే మాట, ఒకే బాట, ఒకే మైక్.  మీడియాకు దగ్గరుగా ఉండేవారిలో   ఈ ప్రేమ జంట ఒకరు.  మీడియా కనిపిస్తే చాలు మీసాలు తిప్పుతూ తిరిగే నటుడు రాజశేఖర్ అని టాలీవుడ్ లోను, ఇటు రాజకీయల్లోను టాక్ ఉన్న విషయం తెలిసిందే. ఇక జీవిత గురించి అయితే  భర్త చాటు భార్యలా మీడియా ముందు నటించటంతో ఆమె నంది అవార్డు ఇవ్వాలని సినీజనాలు అంటున్నారు. ‘‘ విత్తనం విత్తలేదు, చెట్టుమొలవలేదు గానీ చెట్టుకు కాచిన కాయలకు రేటు చెప్పాడట’’ అనే విధంగా ఈ  ప్రేమ జంట తీరు ఉంటుంది. రెండు సంవత్సరాల నుండి కష్టాపడిన ‘మహంకాళి’ సినిమా  గత వారం  విడుదలైన విషయం తెలిసిందే.  ఈ సినిమా పేరుతో   బుల్లితెరమీద  ఈ జంట హడావుడి చేసింది.     ఈ జంటతో పాటు  ‘మహంకాళి’ సినిమాలో  హీరోయిన్ గా నటించిన మధురిమ కూడా వీరిలో వలలో చిక్కుకుందని ఫిలింనగర్ ప్రజలు అంటున్నారు.  రాజశేఖర్ తో సినిమా అంటే  నిర్మాతలు, దర్శకులు  ఎవరు ముందుకు రావటంలేదు.  ఈ  సినిమాకు నిర్మాత  జీవిత.. తన ఆస్తులను తాకట్టు పెట్టి,  సినిమా పూర్తి చేసినట్లు  టాలీవుడ్ లో టాక్  ఉంది.  రాజశేఖర్ సినిమాలు  చూసే జనాలు లేరని నిర్మాతలు అంటున్నారు.  బుల్లితెర ప్రేక్షకులు కూడా రాజశేఖర్ సినిమాలు  చూడటం లేదని  బుల్లితెర  యాజమాన్యం చెబుతున్నారు.  ఒకవేళ  రాజశేఖర్ సినిమా వేస్తే ఆ రోజు రేటింగ్ పూర్తిగా పడిపోతుందని చెబుతున్నారు.  ఇలాంటి సమయంలో  మీడియా  ముందు  డప్పు కొట్టుకుంటున్నారు.  ఇక నుండి  ఏడాదికి  రెండు ,  లేదా మూడు సినిమాలు చేస్తానని  ప్రకటనలు చేస్తున్నారు ఈ ప్రేమ పక్షులు.  వీరు సినిమాలు తీస్తే  చూసే జనం  ఉండాలి కదా,  వీరితో సినిమా చెయటానికి  నిర్మాతలు , దర్శకులు ముందుకు రావాలి కదా,  చూసే జనం లేకుండా, తీసే  దర్శకులు, నిర్మాతలు లేకుండా ఎలా  రెండు మూడు సినిమాలు చేస్తారని  సినీ పెద్దలు  అడుగుతున్నారు.  స్టార్ హీరోలే.. ఏడాది ఒక్క సినిమాతో  సరిపెట్టుకుంటుంటే  .. జీవిత రాజశేఖర్లు మాత్రం  ఏడాదికి రెండు, మూడు సినిమాలు చేస్తామని చెప్పటం హాస్యంగా ఉందని  సినీజనాలు అంటున్నారు.  అసలు రాజశేఖర్ పక్కన నటించటానికి  హీరోయిన్ దొరుకుందా?  అని ఫిలింనగర్ ప్రజలు జోకులు వేసుకుంటున్నారు.