Posted: 03/14/2013 03:45 PM IST

అంబానీ పేరు వింటే చాలు  కుబేరులు గుర్తుకువస్తారు.  ప్రపంచ కుబేరుల్లో  రిలయన్స్ సంస్థ అధినేత ఒకరు.  అంబానీ అడుగు పెడితే .. అక్కడ చూట్టు కుబేరులు చేరిపోతారు. కుభేరుల్లో ఒకరైన ముకేష్  అంబానీ భార్య నీతా అంబానీ బయలుదేరితే ఆమె వెనుక వందల మంది పనివారు బయలు దేరతారు.  కోరిన కోరికను క్షణాల్లో తీర్చుకోగల కుబేరులు వారు. అలాంటి నీతా అంబానీ  ఒక సాధారణ మహిళగా  మారారు.  ఆమె కదిలితే  కార్లు బయులుదేరుతాయి. కారును వదిలితే.. గాలిలో పోయే హెలికాప్టర్ లో హాయిగా ప్రయాణం చేస్తారు. అలాంటిది  ఒక పేదవాడి వాహనం  పై కూర్చోని వెళ్లటం ఆశ్చర్యంగా ఉంది.  పేదవాడి వాహనం అంటే  ఎడ్ల బండి.  ఎర్రటి ఎండలో  ఎడ్లబండిపై ప్రయాణించారు. పూరి గుడిసెల్లోని ప్రజలను కలుసుకున్నారు.  గిరిజన  మహిళలు , పిల్లలతో  ఆడిపాడారు.  కార్పొరేట్ల సామాజిక  బాధ్యతలో  భాగంగా  రిలయన్స్  ఫౌండేషన్ కు  ఛైర్ పర్సన్ గా ఉన్న నీతా  అంబానీ గ్రామీణ ప్రజల అభివ్రుద్ది  కోసం పలు కార్యక్రమాలను చేపడతున్నారు.  ఇందులో భాగంగా ఆమె  సూరత్  జిల్లాలోని  సెలార్ పూర్ లో పర్యటించారు.  కార్పొరేట్  సామాజిక  బాధ్యతలో  భాగంగా పది రాష్ట్రాల్లోని 20 వేల రైతు కుటుంబాలకు తమ ఫౌండేషన్  చేయూతనిస్తున్నట్టు  ప్రకటించారు.  గ్రామీణ, పట్టణ  ప్రాంతాల మధ్య అంతరాన్ని  పూడ్చాలంటే  వ్యవసాయం పరాధీనత నుంచి బయటపడాలని  నీతా అంబానీ అన్నారు.  ముకేష్ అంబానీ భార్య నీతా అంబానీ ఎడ్లబండిలో ప్రయాణించడం పై సామాన్య ప్రజలు ఆశ్చర్యపోయినట్లు తెలుస్తోంది.