Posted: 03/07/2013 04:30 PM IST

టాలీవుడ్ లో ఒకరి  డప్పు మరొకరు కొట్టుకోవాలంటే..  ముందుగా ఈ ఇద్దరే ఉంటారనే  స్వచ్చమైన మాటలు ఫిలింనగర్లో పిల్లావాడినడిగిన చెబుతారు. ఒక దర్శకుడిగా ముదిరిపోతే, మరొకరు నటనలో పండిపోయారు. ఈ ఇద్దరు ఒకే వేదిక మీద కనిపిస్తే. చాలు.  ఆ సభలో  కొన్ని కూర్చీలు ఖాళీగా కనిపిస్తాయని సినీజనాలు జోకులుగా చెప్పుకుంటారు.  రీసెంట్   గుండెల్లో గోదారి  ట్రిపుల్ ప్లాటినమ్  డిస్క్  వేడుకలో  దాసరి నారాయణ రావు,  రాఘవేంద్రరావు, మోహన్ బాబు  కుటుంబం మొత్తం , గుండెల్లో  గోదారి  హీరో మనోజ్, సందీప్ కిషన్ పాల్గొన్నారు.  అయితే ఈ వేదికపై  దాసరి నారాయణ రావుకు మైకు కనిపించగానే తన ఉన్న మరో  మాటల అపరిచితుడు పైకి లేచాడట. అంతే మోహన్ బాబు కుటుంబం పై  పొగడ్తల వర్షం కురిపించినట్లు టాలీవుడ్ సమాచారం. దాసరి చెప్పిన మాటలకకు  సభకు వచ్చిన  జనాలకు కొంచెం సేపు ఊపిరి ఆడలేదని ఫిలింనగర్ ప్రజలు చెప్పుకుంటున్నారు. అయితే  ఈ సినిమా మార్చి 8 తేదీన విడుదల చెయ్యటానికి సిద్దమైంది.  ఈ సందర్భంలో  దాసరి  మోహన్ బాబు కుటుంబాన్ని  ఆకాశానికి ఎత్తేశాడు.  తన ముగ్గురు బిడ్డల్ని తనకంటే  క్రమశిక్షణ గా పెంచాడు, వాళ్లని చూసి  చాలా మంది నటులు చాలా విషయాలు  నేర్చుకోవాలి. మోహన్ బాబు బిడ్డలు తనకంటే ఎక్కువగా కష్టపడ్డారు. అందుకే భవిష్యత్తులో మోహన్ బాబు ముగ్గురు బిడ్డలతో ను సినిమాలు  చేస్తానని దాసరి ఆవేశంగా చెప్పటం జరిగింది. ఈ వేదిక మీద కూడా దాసరి చిరంజీవిని గుర్తు చేసుకున్నారు.  

అందరిలాగ  నేను 150 సినిమాలతో  నేను ఆగిపోను.  రెండొందలు పూర్తి చేసి  దాసరి అంటే ఏమిటో  నిరూపించుకుంటానని గంభీరమైన స్వరంతో చెప్పటంతో  సభలోని  జనం .. లేచి ఇక చాలు బాబు .. అంటూ  పెద్దగా చప్పట్లతో  తమ నిరసన తెలిపినట్లు టాలీవుడ్ సమాచారం.  సభలో కొంతమంది సినీజనాలు అసలు దాసరినిఎందుకు పిలిచారు. ఆయనఎందుకు మాట్లాడుతున్నారు. ఆయన  ఏ సినిమాకు హాజరైతే.. ఆ సినిమా ప్లాప్ అవుతుంది. ఈ విషయం తెలిసి కూడా మోహన్ బాబు ఆయన్ని ఎందుకు పిలిచాడని కోపంగా సభలోని జనాలు  చెవులుకొరుకుంటున్నారు.  మోహన్ బాబు గుండె మాత్రం గోదారి మాదిరిగా పొంగిపోయింది కాసేపు.  తరువాత తన కూతురు తీసిన గుండెల్లో గోదారి గుర్తుకు రావటంతో.. బాధపడుతున్నట్లు  తెలుస్తోంది.  ఈ సినిమాకి ఇప్పటికి బయ్యర్లు ఒక్కరు కూడా రాలేదట.  మోహన్ బాబే  స్వయంగా గుండెల్లో గోదారి విడుదల చేస్తున్నట్లు   సినీ పెద్దలు అంటున్నారు.  ఈ సినిమాతో మోహన్ బాబు  బతుకు  గొదారి కాకుండా చూడమని  అందరి దేవుళ్లకు  మోహన్ బాబు మొక్కినట్లు టాలీవుడ్ ప్రజలు గుసగుసలాడుకుంటున్నారు.