Posted: 02/22/2013 07:20 PM IST

కావూరికి కోపం తగ్గిందా? అని అంటే అవుననే అంటున్నారు .. కాంగ్రెస్  పార్టీ నాయకులు. మంత్రి పదవి రాలేదని  అలిగిన ఏలూరు ఎంపీ కావూరి సాంబశివరావు.  కొద్ది రోజులుగా పార్టీ దూరంగా ఉంటున్న విషయం తెలిసిందే.  ఆయన తన ఎంపీ పదవికి రాజీనామ చెయ్యటం కూడా జరిగింది.  ఈ సమయంలో  కావూరి అనేక పుకార్లు  వినిపించాయి. పార్టీ నుండి వెళ్లిపోయి, సమైక్యాంధ్రలో కొత్త రాజకీయ పార్టీ పెడుతున్నట్లు రాజకీయ నాయకులు చెప్పుకున్నారు.  కావూరికి  కేంద్ర మంత్రి మండలిలో  స్థానం  కల్పించనందుకు  అధిష్టానం పై ఆగ్రహంతో  తన పదవికి రాజీనామా చేసి,  దానిని  సోనియా గాంధీకి  పంపించటం జరిగింది.  అంతేకాకుండా కాంగ్రెస్ పార్టీ పై  విమర్శలు చెయ్యటం జరిగింది.  పార్టీలో బ్రోకర్లకు ప్రాధాన్యం పెరుగుతోందని, సీనియారిటీకి  విలువ లేకుండా  పోయిందని  బహిరంగంగానే  తన ఆగ్రహం, అసంత్రుప్తి  వెళ్లగక్కారు.  ఆ సమయంలో  ప్రధాని  స్వయంగా  ఆయనకు  మూడు సార్లు  ఫోన్ చేసినా,  రాజీనామా పై వెనక్కి తగ్గేది లేదని  ఖచ్చితంగా చెప్పినట్లు  సమాచారం. అయితే   గతంలో   పార్లమెంటు లో  ఎఫ్ ఢీఐలపై  జరిగిన  ఓటింగుకు  మాత్రం కావూరి హాజరయి  ప్రభుత్వానికి  అనుకూలంగానే ఓటు వేశారు.    సమైక్యాంద్ర  సదస్సుకు  హాజరయిన   సమయంలో  కేంద్రంలో  ఇందిరాగాంధీ  వంటి  బలమైన  నాయకత్వం  కాకుండా ,  బలహీన  నాయకత్వం  ఉన్నందుకే  తెలంగాణ  సమస్య  పరిష్కారం కావడం లేదని  వ్యాఖ్యానించారు.  ఒక దశలో  కావూరి  వైఎస్ఆర్ కాంగ్రెస్ పార్టీలో  చేరతారన్న ప్రచారం  జోరుగా సాగింది.  అయితే  జగన్ మాత్రం  కావూరి కి సీటు ఇవ్వనని  కచ్చితంగా  చెప్పినట్లు తెలుస్తోంది.  ఈ విషయం తెలుసుకున్న కావూరిలో ఉన్న కోపం కాస్త చల్లబడినట్లు  రాజకీయ నాయకులు  అనుకుంటున్నారు.   జగన్ పార్టీలో వెళ్లితే  పూర్తి నష్టం జరుగుతుంది కాబట్టి , ఉన్న పార్టీలో  ఉంటే  మంచి అవకాశం ఏదో ఒక రోజు రాకపోతుందా అని  ఆయన సన్నిహితులు  హితబోద చేయడంతో .. కాంగ్రెస్ పార్టీ పై  కోపం తగ్గించుకున్నట్లు తెలుస్తోంది. కావూరి మెల్లగా  కాంగ్రెస్ పార్టీ వైపు అడుగులు వేయటం జరిగింది.  తాజాగా  పార్లమెంట్   సమావేశాలకు  హాజరయ్యి .. అందరిని ఆశ్చర్యపరిచారు.  తన రాజీనామాను  ఉపసంహరిచుకున్నట్లు ఆయనే స్వయంగా ప్రకటించటంతో.. అందరు ఆనందంగా ఉన్నారు.  ప్రధాని  మన్మోహన్ సింగ్ ,  పార్టీ అధినేత్రి సోనియా గాంధీలతో  కావూరి భేటీ అయినట్లు  ఢిల్లీ నాయకులు  అనుకుంటున్నారు.