Posted: 01/25/2013 05:25 PM IST

మహేష్ బాబు ఎంతో కష్టపడుతున్నాడు... ఒకప్పుడు సంవత్సరానికి ఒకే సినిమా చేసే ప్రిన్సు, పెరుగుతున్న పోటీని దృష్టిలో పెట్టుకుని, 'దూకుడు' తో హిట్ సాధించిన మహేష్, తరువాత వరుసగా సినిమాలు చెయ్యడం పై దృష్టి పెట్టాడు. 'దూకుడు' తరువాత ఒచ్చిన 'బిసినెస్ మ్యాన్', ఈ మధ్యనే విడుదల అయ్యిన 'సీతమ్మ వాకిట్లో సిరిమల్లె చెట్టు' చిత్రాలు కూడా ఘన విజయాన్ని నమోదు చేసుకోవడంతో, మహేష్ కు వరుస ఆఫర్లు వచ్చి పడుతున్నాయి. వచ్చే రెండు సంవత్సరాల వరకు మహేష్ క్యాలేన్డర్ సినిమా ఆఫర్లతో నిండిపోయింది. ప్రస్తుతం, సుకుమార్ దర్శకత్వం లో మహేష్ ఒక సినిమా చేస్తున్న సంగతి మనకు తెలిసిందే. కృతి సనన్ ఈ చిత్రం తో హీరోయిన్ గా పరిచయం అవుతోంది. ప్రస్తుతం ఈ చిత్రం షూటింగ్ హైదరాబాద్ లోని రామోజీ ఫిలిం సిటిలో జరుగుతోంది. ఈ చిత్రం లో మహేష్ బాబు ప్రొఫెసర్ గా కనిపించబోతున్నాడని టాక్. ఈ చిత్రం షూటింగ్ మొత్తం పూర్తీ అయ్యేంత వరకు, మహేష్ షూటింగ్ లో విరామం లేకుండా పాల్గొంటాడని సమాచారం. మొత్తానికి వరుస సినిమాలతో, హిట్లతో, మహేష్ కరియర్ 'దూకుడు' మీద ఉంది.