Posted: 01/25/2013 05:11 PM IST

తెలుగు సినిమా మాత్రమే కాదు, యావత్ భారతీయ చలన చిత్ర పరిశ్రమ గర్వపడే నటుడు, కమల్ హస్సన్. ఇంత మంది హీరోలు తమదైన శైలిలో దూసుకుపోతున్నా, కొత్త హీరోల హవా కొనసాగుతున్నా, కమల్ హస్సన్ సినిమా అంటే నేటికీ ఇష్టపడే ప్రేక్షకుల సంఖ్యా కోకొల్లలు. ఈ మధ్య దర్శకుడిగా మారిన కమల్ హస్సన్ తీసే సినిమాలన్నా మనకు ఇష్టమే...

అందుకు నిదర్సనం, 'దశావతారం' విజయం సాధించడం.అయితే భారతీయ సినీ పరిశ్రమలోనే, అత్యంత భారీ బడ్జెట్ చిత్రం గా రూపొందిన కమల్ హస్సన్ కలల చిత్రం 'విశ్వరూపం' మాత్రం, మరింత ఇబ్బందులని ఎదురుకోవలసి వస్తోంది. జనవరి 13 న విడుదల అవ్వవలసిన చిత్రం విడుదల 25 న అంటే ఈ రోజున జరగడం మనకు తెలిసిందే. చిత్రం విడుదల అయ్యిన తరువాతే, టీవీ లో ప్రదర్సన జరుగుతుందని కమల్ హామీ ఇవ్వడంతో ఈ చిత్రం విడుదల 25 న ఖరారు అయ్యింది. ఇప్పుడు 'విశ్వరూపా'నికి కొత్త కష్టం వచ్చింది. ఈ చిత్రంలో కొన్ని సన్నివేశాలు, తమ వర్గ మనోభావాలను దెబ్బతీసే విధంగా ఉన్నాయి అని 'ఒక' వర్గం వారు పెద్ద గొడవే చేసారు. ఈ సన్నివేశాలు తొలగిస్తేనే కాని, చిత్రాన్ని విడుదల చెయ్యనివ్వం అని అల్టిమేటం జారీ చేసారు. తమ చిత్రంలోని పాత్రలు, చిత్ర కధ కేవలం కల్పితం మాత్రమె అని ఎవ్వరినీ ఉద్దేశించినవి కాదని కమల్ చెప్పినా, ఎవ్వరూ పట్టించుకోలేదు. హొమ్ మంత్రి కూడా ఈ చిత్ర విడుదల ఈ నెల 28 వరకు వాయిదా వెయ్యమని ఆదేశాలు జారీ చెయ్యడంతో, 'విశ్వరూపం' విడుదల వాయిదా పడింది...

ఏది ఏమైనా, 'విశ్వరూపం' కి వరుసగా ఇలా ఇక్కట్లు ఎదురవుతూ ఉండటం తో అటు కమల్ హస్సన్ ఫ్యాన్స్ ఇటు ఈ నటుడు కూడా, నిరాశకు గురికాక తప్పడంలేదు.