Posted: 01/21/2013 04:59 PM IST

ఆరడుగుల ఆజానుబాహుడు ప్రభాస్... ఈ హీరో 'ఛత్రపతి' తో, మ్యాన్లి హీరోగా, 'రెబెల్' స్టార్ కృష్ణం రాజు నట వారసుడిగా ఎంతో పేరుని, మాస్ ఇమేజ్ ని సంపాదించుకున్నాడు. తోలిత మాస్ హీరోగానే కొనసాగిన ప్రభాస్, 'డార్లింగ్', 'బిల్లా', 'Mr. పర్ఫెక్ట్' వంటి చిత్రాలతో అటు క్లాస్ ప్రేక్షకులని కూడా ఆకట్టుకున్నాడు. అయితే పోయిన సంవత్సరం మాత్రం, ప్రభాస్ కి నిరాశే మిగిల్చింది... భారీ అంచనాల మధ్య విడుదల అయిన 'రెబెల్' ఫ్లాప్ గా మిగిలిపోయింది.

తట్టుకుని నిలబడ్డ ప్రభాస్, 'మిర్చి' తో ఈ సంవత్సరం, వచ్చే నెల, మళ్ళీ మన ముందుకు రాబోతున్నాడు. కాస్త స్టైలిష్ లుక్ తో ఈ చిత్రం ట్రయిలర్ లో కనిపించిన ప్రభాస్ కి, మరింత ఫ్యాన్ ఫాలోయింగ్ పెరిగింది... దీనికి తోడు దేవి శ్రీ ప్రసాద్ అందించిన బాణీలు, అనుష్క - రిచా ల అందచందాలు, సినిమాకి హైలెట్ గా నిలుస్తాయి అనడం లో ఆశ్చర్యం లేదు.

ఏది ఏమైనా, 2013, 'మిర్చి' తో హిట్ కొట్టాలని ప్రభాస్ తపన పడుతున్నాడు... 'మిర్చి' ఫలితం బాగుండాలనే ఆశిస్తున్నాం... కాని ఒక వేళ అటు - ఇటు అయినా కూడా, ప్రభాస్ తదుపరి చిత్రం హిట్ చిత్రాలనే తీసే పేరు ఉన్న దర్శకుడు రాజ మౌళికి అప్పజెప్పాడు కాబట్టి, 2013 లో కాకపోయినా 2014 లో అయినా, ప్రభాస్ కనీసం ఒక మరచిపోలేని హిట్ ని సొంతం చేసుకునే చాన్సు ఉంది. 'మిర్చి' తో ప్రభాస్ హిట్ కొట్టాలనే అందరి ఆశ.