Posted: 01/01/2013 03:49 PM IST

పవర్ స్టార్ పవన్ కళ్యాణ్.. ఈ పేరు వింటేనే 'మెగా' అభిమానుల్లో యెనలేని ఉత్సాహం కలుగుతుంది... పవర్ స్టార్ సినిమా అంటే, ఆడియో విడుదల కంటే ముందు నుంచీ భారీ అంచనాలు ఉంటాయి... సినిమా విడుదల అయిన మొదటి వారం అంటా ఆ సినిమా హిట్ టాక్ నే సంపాదించుకుంటుంది... ఆ తరువాత అసలు సినిమా విజయం సాధించిందా, లేక పరాజయం పాలయ్యిందా అని నిలకడ మీద తెలుస్తుంది. కలెక్షన్ల పరంగా సినిమా జయాపజయాలతో పని లేకుండా, పవర్ స్టార్ సినిమా అంటే కలెక్షన్ల వర్షమే అనే టాక్ తెలుగు సినీ పరిశ్రమలో ఉంది...

గత కొద్ది సంవత్సరాలుగా, ముఖ్యంగా 'జల్సా' తరువాత విజయవంతమైన సినిమాని అందించని పవర్ స్టార్, ఈ యాడాది 'గబ్బర్ సింగ్' వంటి సూపర్ హిట్ ని అందించి, తన సత్తా ఏంటో మరొక్కసారి నిరూపించుకున్నాడు... ఈ విజయాన్ని క్యాష్ చేసుకుందాం అని, పవన్ తో 'క్యామెరామ్యాన్ గంగ తో రాంబాబు' చిత్రాన్ని తీసాడు, దర్శకుడు, పూరి జగన్నాథ్... వీరిద్దరి కలయిక లో వచ్చిన 'బద్రి' సూపర్ హిట్ గా నిలవడం వల్ల, 'రాంబాబు' గా కూడా, పవన్ మరొకసారి సూపర్ హిట్ సాధిస్తాడు అని అనుకున్నారు అంతా... 'గబ్బర్ సింగ్' విడుదల అయిన తరువాత, కొన్ని నెలల వ్యవధిలోనే విడుదల అయిన ఈ చిత్రం, ఆశించినంత విజయాన్ని సాధించలేకపోయింది... అతి కష్టం మీద ఫరవాలేదు అనిపించుకుంది...

ఏమనుకున్నాడో ఏమో, మళ్ళీ తన పాత పద్ధతినే అనుసరించడం మొదలు పెట్టాడు పవర్ స్టార్... ఇప్పుడు తాను చెయ్యబోతున్న సినిమా తప్ప, ఇక ఏ సినిమా ఒప్పుకోవడం కాదు కదా, కనీసం కధలు కూడా వినడానికి ఇష్టపడటం లేదట పవర్ స్టార్... పవర్ స్టార్ తనకు 'జల్సా' తో విజయం తెచ్చిపెట్టిన త్రివిక్రమ్ శ్రీనివాస్ దర్శకత్వంలో ఒక సినిమా చేస్తున్న సంగతి మనకు తెలిసిందే... ఈ చిత్రం పూర్తీ అవ్వడానికి కనీసం 8 నెలలు పడుతుంది... ప్రస్తుతం ఈ చిత్రం రేగులర్ షూటింగ్ ఇంకా త్వరలో మొదలు కావలసి ఉంది... ఈ చిత్రం పైనే పూర్తీగా మనసు లగ్నం చెయ్యాలని పవర్ స్టార్ ఆలోచన... పవర్ స్టార్ సరసన సమంత హీరోయిన్ గా నటిస్తున్న ఈ చిత్రం పూర్తీ అయ్యి, విడుదల అయిన తరువాతే, పవన్ తదుపరి చిత్రం పై ప్రకటన ఉంటుంది