Posted: 12/21/2012 02:45 PM IST

త్వరలో 'నాయక్' గా మన ముందుకు రాబోతున్నాడు, రామ్ చరణ్... చిరంజీవి తనయుడిగా తెరంగేట్రం చేసిన ఈ హీరో, తనదైన గుర్తింపుని, మార్కుని సంపాదించుకుని, తండ్రిని మించిన తనయుడిగా ఇప్పటికే ఏంతో గుర్తింపు తెచ్చుకున్నాడు. 'రచ్చ' అందించిన విజయంతో ఏంటో హుషారుగా ఉన్న చెర్రి, ఈ సంక్రాంతి బరిలో, తన 'నాయక్' విజయ కేతనాన్ని మొగించేందుకు సిద్ధంగా ఉన్నాడు. ఇప్పటికే, వి. వి. వినాయక్ దర్శకత్వం వహించిన 'నాయక్' ఆడియో సూపర్ హిట్ అవ్వడమే కాకుండా, చెర్రి ద్విపాత్రాభినయం ఈ చిత్రానికి ఇంకొక హైలెట్ గా నిలుస్తోంది. ఈ తరుణం లో, నిన్ననే బయటికి వచ్చిన ఇంకొక వార్త, మెగా అభిమానులకు నిజమైన పండుగగా నిలిచింది.

ఎప్పటినుంచో, మెగా స్టార్ కరియర్ లోనే సూపర్ హిట్, 'ఖైది' రీమేక్ లో చరణ్ నటించబోతున్నాడు అని వార్తలు వస్తూనే ఉన్నాయి... 'ఖైది' పేరుని టైటిల్ గా నమోదు చెయ్యడం కూడా జరిగింది అన్న వార్తా మన చెవిన పడింది... అయితే ఇది నిజం అని, పరుచూరి బ్రదర్స్ తేల్చి చెప్పేశారు... త్వరలోనే, ఒక స్టార్ దర్శకుడు, 'ఖైది' సినిమాను రీమేక్ చెయ్యబోతున్నాడు అని, చరణ్ ఇందులో నటించబోతున్నాడు అని ఖచ్చితం చేసారు.

ఇకనేం, మెగా అభిమానుల ఆనందానికి అవధులు లేవు. ఇప్పటికే, తన గత చిత్రాలు, 'మగధీర, 'రచ్చ', ఇప్పుడు 'నాయక్' లో, తన తండ్రి మెగా స్టార్ సూపర్ హిట్ పాటలని చరణ్ రీమేక్ చేస్తూ, సందడి సృష్టిస్తున్నాడు... ఇప్పుడు ఏకంగా 'మెగా' స్టార్ సూపర్ హిట్ సినిమాలలో ఒకటైన 'ఖైది' రీమేక్ లో చరణ్ తన తండ్రి పాత్రలో నటించడం, ఈ సినిమా మొదలవ్వకుండానే, ఘన విజయం సాధిస్తుంది అన్న టాక్ సొంతం చేసుకుంది...ఏమైనా, చెర్రి తెలివిగల కథానాయకుడే.