Posted: 12/17/2012 02:41 PM IST

ప్రయోగాత్మక చిత్రాలకు, పాత్రలకు పెట్టింది పేరు హీరో సూర్య... ఈ తమిళ హీరోకి, తెలుగునాట కూడా, అదిరిపోయే ఫ్యాన్ ఫాలోయింగ్, మార్కెట్ ఉన్నాయి... సూర్య అంటే, మనకు 'గజని', 'దేవా', 'యముడు', '7th సెన్స్' ఈ మధ్యనే విడుదల అయిన 'బ్రదర్స్' వంటి ఎన్నో చిత్రాలు గుర్తుకు వస్తాయి. అసలు, 'గజని' నుండి, సూర్య నటించిన ప్రతీ తమిళ చిత్రం, తెలుగులో అనువదించి విడుదల చెయ్యడం అనేది, ఒక ఆనవాయితీ గా మారిపోయింది... అయితే, 'యముడు' తరువాత, అటు తమిళం లోను, ఇటు తెలుగులోనూ సూర్య విజయాన్ని చవిచూడలేదు..

భారీ అంచనాల మధ్య విడుదల అయిన, '7th సెన్స్', 'బ్రదర్స్' వంటి చిత్రాలు, మంచి చిత్రాలు గా గుర్తింపును సంపాదించుకున్నాయి కాని, కాసుల వర్షం కురిపించ లేక పోయాయి.ఇప్పుడు సూర్య ఆసలన్ని, 'యముడు - 2' పైనే... ఈ సినిమా విజయం సాధిస్తే ఈ హీరో మళ్ళీ ఫాం లోకి ఒచ్చినట్టే... దీనితో పాటు, సూర్య ఇంకొక ప్రయోగానికి సిద్ధం అయ్యాడు... అన్ని కమర్షియల్ హంగులు ఉన్న కథతో, త్వరలో ఒక సినిమా చెయ్యబోతున్నాడు... 'ఇది ప్రయోగం ఏంటి?' అనేగా మీ సందేహం... ఈ చిత్రానికి దర్శకునిగా, సూర్య ఎంచుకున్నది గౌతమ్ మీనన్ ని... గౌతమ్ మీనన్, అటు 'ఘర్షణ', 'రాఘవన్' వంటి కథలు... ఈ మధ్య కాలంలో 'ప్రేమ' కథలు తెరకెక్కించడంలో దిట్టగా పేరు తెచ్చుకున్నాడు.

మరి ఇటువంటి దర్శకుడికి కమర్షియల్ హంగులతో నిండిన కథని ఇచ్చి, సినిమా తీయమంటే, ఇది సాహసమే కదా ?మరి, సూర్య వేస్తున్న ఈ అడుగు, తనకు ఏ విధంగా లాభం తెచ్చిపెడుతుందో, వేచి చూడాలి.