Posted: 12/17/2012 02:28 PM IST

తెలుగు సినీ పరిశ్రమలో తనకంటూ ఒక తిరుగులేని ఇమేజ్ ని సంపాదించుకున్న స్టార్ హీరో పవర్ స్టార్ పవన్ కళ్యాణ్. హిట్లు - ఫ్లాప్లతో సంబంధం లేకుండా పవర్ స్టార్ సినిమాలన్నీ అదిరిపోయే ఓపెనింగ్ వసూళ్ళని సంపాదించించి పెడతాయి నిర్మాతకి... ఇక సినిమా హిట్ అయితే కాసుల వర్షం, ఫ్లాప్ అయితే, ఏంతో కొంత నష్టం, నిర్మాతకు, పంపినీదారుడికి... ఈ నష్టం కూడా ఇతర స్టార్ హీరోల సినిమాల ఫ్లాప్లతో పోలిస్తే ఏంతో తక్కువ..అయినా, పవర్ స్టార్ తన సత్తా ఏ పాటిదో ఈ యాడాది విడుదల అయిన 'గబ్బర్ సింగ్' తో చాటి చెప్పాడు... 'జల్సా' తరువాత ఒక్క హిట్ కూడా కొట్టని ఈ హీరో, ఆ లోటునంతా, 'గబ్బర్ సింగ్' విజయంతో భర్తీ చేసాడు... ఇక ఏ మాత్రం ఆలస్యం చెయ్యకుండా, ఈ విజయం ఇచ్చిన ఉత్సాహంతో, పూరి జగ్గన్నాత్ దర్శకత్వంలో, 'రాంబాబు...' గా, ప్రేక్షకుల ముందుకు ఒచ్చాడు... అయితే, భారీ అంచనాల మధ్య విడుదల అయిన ఈ చిత్రం ఆశించినంత విజయాన్ని సాధించలేకపోయింది. అతి కష్టం మీద 50 రోజులు ఆడగలిగింది.

అయితేనేం, ఇంతకుమునుపు లాగే, పవర్ స్టార్ డిమాండ్ ఏ మాత్రం తగ్గలేదు. కథలు వినిపించడానికి దర్శకులు, సినిమా తియ్యడానికి నిర్మాతలు,ఈ స్టార్ చుట్టూ తిరుగుతూనే ఉన్నారు... అయితే, పవర్ స్టార్ మాత్రం, తన 'జల్సా' దర్శకుడు 'మాటల మాంత్రికుడు' త్రివిక్రమ్ శ్రీనివాస్ నే తన తదుపరి దర్శకుడిగా ఎంచుకున్నాడు... టాలీవుడ్ లక్కి లేడి సమంతని తన కధానాయికగా ఎంచుకున్నాడు... ప్రస్తుతం, ఈ చిత్రం షూటింగ్ చెయ్యడానికి లోకేషన్ల వేటలో, దర్శకుడితో కలిసి స్పయిన్ లో ఉన్నాడు.

పవర్ స్టార్...పవన్ తో తరువాతి చిత్రం చెయ్యడానికి ఎంతమంది దర్శక - నిర్మాతలు వేచి ఉన్నా, ప్రస్తుతానికి ఏ ఒక్కరికీ 'గ్రీన్ సిగ్నల్' ఇవ్వలేదు ఈ స్టార్... త్రివిక్రమ్ తో సినిమా పూర్తీ అయ్యేంత వరకు, ఇంకొక సినిమా గురించి, కనీసం ఆలోచించే పరిస్థితుల్లో లేడట పవర్ స్టార్. ఇక పవర్ స్టార్ తో సినిమా చెయ్యాలంటే ఇంకొన్ని నెలలు ఆగాల్సిందే అన్నమాట.