Posted: 12/08/2012 03:00 PM IST

రాక రాక, హీరో మంచు విష్ణు కి 'దేనికైనా రెడీ' తో ఇన్నాళ్ళ తరువాత విజయం దక్కింది... దీనితో పాటు, ఈ సినిమా వివాదాల పుట్టగా మారింది... యెంత, 'కథలో భాగంగా' అని దర్శకులు, సినిమాకి సంబంధించిన వారు, ఈ చిత్రం లోని సన్నివేశాలని వెనకేసుకొస్తున్నా, 'హాస్యం పండించడం కోసం, ఒక వర్గాన్నే తక్కువ చేసి చూపిస్తారా?' అని ఆ వర్గం వారు, నిరసన వ్యక్తం చేస్తూ, ఈ సినిమా ప్రదర్శనని నిలిపేయాలని కోర్ట్ లో కేసు వేసారు, మంచు వారి ఇంటి ముందు చిన్న పాటి యుద్ధమే సృష్టించారు. మంచు వారు కూడా, ఈ 'వర్గం' మీద కేసు వెయ్యడమే కాకుండా, ఇది కేవలం సినిమా అని, ఇందులో సన్నివేశాలు ఎవ్వరినీ ఉద్దేశించినవి కావని చెప్పారు...తాజాగా, ఈ చిత్రం మరో కొత్త వివాదంలో చుట్టుకుంది... BJP పార్టీ సీనియర్ నేత, ఇంద్రసేనా రెడ్డి, ఈ చిత్రం ప్రదర్శనని రద్దు చెయ్యాలని కోర్ట్ లో పిటీషన్ వేసారు... ఈ చిత్రం నిర్మాత మోహన్ బాబు, చిత్రం లో నటించిన హాస్య నటులు బ్రమ్హానందం, తమకు ప్రదుత్వం కట్టబెట్టిన 'పద్మశ్రీ' బిరుదుని నిలబెట్టుకోలేకపోయారని, యెంత సినిమా అయితే మాత్రం, తమ 'హాస్యం' పండించుకోవడం ఒక వర్గాన్ని హీనంగా చూబించే హక్కు ఏ దర్శకునికీ, నిర్మాతకి, నటుడికి కుడా లేదని, ఈ పిటీషన్లో పెర్కున్నారు. అంతే కాక, ఈ సినిమా సర్టిఫికేషన్ ను రద్దు చెయ్యాలని, ఈ పిటీషన్ సారాంశం కూడా... ప్రస్తుతానికి కోర్ట్ ఈ పిటీషన్ పై తీర్పుని వాయిదా వేసింది. అయితే, 'దేనికైనా రెడీ' మాత్రం, విజయం చవిచూసినా, వెంట వివాదాలు కూడా ముందుకు తీసుకువేలుతోంది.