Posted: 12/04/2012 04:28 PM IST

హైదరాబాద్ నగరంలో అంతులేకుండా పెరిగిపోతున్న ట్రాఫిక్ ఇక్కట్లకు చెక్ పెట్టడానికి, అధికారులు ఒక కొత్త ప్రతిపాదనతో ముందుకు ఒచ్చారు. ఇప్పుడు ఉన్న ఫ్లైఓవర్లు తగా, నగరంలో మరో రెండు కొత్త ఫ్లైఓవర్లు రాబోతున్నాయి. ట్రాఫిక్ రద్దీ మరీ ఎక్కువగా ఉన్న, టౌలీ చౌకీ, బాల నగర్ ప్రాంతాలలో ఫ్లైఓవర్లు నిర్మించాలని సంకల్పించారు. వాస్తవానికి ఈ ఆలోచన, రెండు - మూడు సంవత్సరాల క్రితమే ఒచ్చింది అధికారులకి, అయితే అప్పటి ఈ ప్రతిపాదన, కాగితాల వరకే పరిమితం అయ్యింది. అయితే గ్రేటర్ అధికార పగ్గం, మజ్లిస్ పార్టీ చేపట్టినదే తడవుగా, మళ్ళీ ఈ ఫ్లైఓవర్ల ప్రతిపాదన, వేలుగులోకివచ్చి, అమలు అయ్యే దిశగా అడుగులు వేస్తోంది. టౌలీ చౌకి లోనే కాక, బాల నగర్ నుంచి నర్సాపూర్ చౌరస్తా మార్గం లో మరొక ఫ్లైఓవర్ నిర్మించబోతున్నారు... ఈ రెండు ఫ్లైఓవర్ల నిర్మాణ వ్యయం, దాదాపు 100 కోట్ల పైమాటే.

6 నుంచి 8 లైన్ల ఫ్లైఓవర్లు ఈ రెండు ప్రాంతాలలో నిర్మించాలని అధికారులు నిర్ణయించారు. అయితే ఇక్కడ ఇంకొక కొసమెరుపు ఏమిటంటే, నగరంలో తొలిసారిగా వాహనాల రాకపోకలకు వీలుగా భూగర్భ మార్గం నిర్మించనున్నారు. ఇప్పటికే, రెండు మార్గాలు ఉన్నప్పటికీ, వాటిని కేవలం పాదచారుల కోసం మాత్రమె నిర్మించారు. అయితే అవి సరియిన వసతులు, సౌకర్యాలు, అధికారుల తనిఖీలకు నోచుకోక, ఆకతాయిలకు, దొంగలకు అడ్డాలుగా మారి, ఉపయోగంలో లేవు. ఇవి, కోటి, ఆర్.టీ.సీ. క్రాస్ రోడ్ పరిసరాల్లో దర్శనం ఇస్తాయి.