Posted: 12/03/2012 10:57 AM IST

'మనస్పూర్తిగా ఒక వ్యక్తిని మనస్సు కోరుకుంటే... ఈ భావన ఎలా ఉంటుంది? మల్లెల తీరంలో పయనం చేస్తున్నంత మధురంగా ఉంటుంది కదూ? మనిషై పుట్టిన ప్రతీ ఒక్కరు, తమ జీవితంలో ఏదో ఒక దశలో ఈ భావనని అనుభవించక మానరు... కొందరికి ఇది జీవితాంతం నిలిచిపోతుంది, మరికొందరికి అందమైన జ్ఞపకంలా మిగిలిపోతుంది. అయితే, ఉన్న ఒక్క జీవితంలో, పెల్లి తరువాత చిగురించిన ప్రేమను, ఈ అమ్మాయి నిజం చేసుకుని, తన జీవితాన్నే మల్లెల తోటలా మార్చుకుందా ? లేక, సమాజానికి తలొగ్గి, సద్దుకుపోయిందా ? త్వరలో విడుదల అయ్యే తమ 'మల్లెలతీరం' లో చూడాలి అంటున్నారు, ఈ చిత్ర దర్శక - నిర్మాతలు..'గోదావరి సినిమా' పతాకం పై రమాదేవి నిర్మించిన ఈ చిత్రానికి, రామరాజు దర్శకత్వం వహించారు. 'మనసార', 'బస్స్టాప్' వంటి చిత్రాలలో నాయికగా గుర్తింపు ఉన్న పాత్రలను పోషించిన శ్రీ దివ్య, ఈ చిత్రంలో పెళ్లి అయిన తరువాత, మనస్పూర్తిగా ఇంకొక వ్యక్తిని ప్రేమించే గృహిణి పాత్రలో నటించింది.

ఇతర నూతన నటులు, ఈ చిత్ర కధానాయకులుగా పరిచయం అవుతున్నారు. దర్శకుడు మాట్లాడుతూ, 'ఒక మహిళ మనస్సు యొక్క కోణాన్ని ఆవిష్కరించే దిశగా, ఈ చిత్రాన్ని రూపొందించాం.. అన్ని వర్గాల ప్రేక్షకులని, ఈ చిత్రం అలరిస్తుంది', అని చెప్పుకొచ్చారు.. చిన్న చిత్రంగా ప్రచారం మొదలు పెట్టుకున్న ఈ సినిమా, క్రమంగా అన్ని వర్గాల ప్రేక్షక దృష్టినీ ఆకర్షిస్తోంది... చిత్ర సీమలో పేరున్న దర్శకులు, శేఖర్ కమ్ముల వంటి వారు, ఈ చిత్ర తోలి కాపీని చూసి మెచ్చుకోవడమే కాదు, చిత్రానికి తమ అండ ఉంటుందని స్పష్టం చేసారు.. 'మల్లెల తీరం' యొక్క పరిమళం, త్వరలోనే గుభాలించాలని ఆశిద్దాం..